Ռուսաստանում էլ ինչ-որ անհասկանալի մարդիկ «միջանցքի» նարատիվ են զարգացնում՝ ի հեճուկս ՌԴ նախագահի հայտարարությունների և ստորագրած փաստաթղթի. Փաշինյան
Անկեղծ ասած, տեղեկություն չունեմ՝ ադրբեջանական կողմը հաստատե՞լ է մասնակցությունը, թե՞ ոչ»,- այսօր՝ հոկտեմբերի 26-ին, ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ ի պատասխան «Քաղաքացիական պայմանագիր» խմբակցության պատգամավոր Սարգիս Խանդանյանի հարցի:
Ինչ վերաբերում է այդ հանդիպումից ակնկալիքներին, վարչապետն ասաց, որ նման եռակողմ հանդիպում վերջին անգամ տեղի է ունեցել նախորդ տարվա նոյեմբերին. «Կարծում եմ՝ ամենակարևոր ակնկալիքները կապված են այս ընթացքում տեղի ունեցած իրադարձությունների գնահատականների և մեկնաբանությունների հետ: Կարծում եմ, որ շատ կուտակված հարցեր կան, որոնց վերաբերյալ որոշակի մտքերի փոխանակում, պարզաբանումներ, հարցադրումներ պետք է հնչեն: Այդ հարցերի օրակարգը ձեզ հայտնի է՝ սկսած Լեռնային Ղարաբաղում կայունության և անվտանգության ապահովման գործից»:
Ինչպես նշեց Փաշինյանը, ինչ-որ միջանցքների մասին հայտարարություններ են տեղի ունենում. «Ընդ որում, ոչ միայն ադրբեջանական կողմից. Ռուսաստանում էլ ինչ-որ անհասկանալի մարդիկ կան, ովքեր փորձում են այդ նարատիվը զարգացնել՝ ի հեճուկս ՌԴ նախագահի արած հայտարարությունների, ստորագրած փաստաթղթերի, ի հեճուկս ՌԴ ԱԳՆ-ի հայտարարությունների, ի հեճուկս ՌԴ փոխվարչապետի հայտարարությունների»:
civic.am