Ո՞վ է խանգարել ՄԱԿ ԱԽ-ում փաստաթղթի ընդունմանը, ժամանակն է Միրզոյանը անուն տա
Հայաստանի դիմումի հիման վրա գումարված ՄԱԿ-ի Անվտանգության խորհրդի երկու նիստերից հետո ոչ մի փաստաթուղթ չի ընդունվել, ասել է արտգործնախարար Արարատ Միրզոյանը։
Հայաստանի դիմումի հիման վրա գումարված ՄԱԿ-ի Անվտանգության խորհրդի երկու նիստերից հետո ոչ մի փաստաթուղթ չի ընդունվել, ասել է արտգործնախարար Արարատ Միրզոյանը։
Նա չի հստակեցրել՝ արդյոք ԱԽ անդամներից մեկի կողմից վետո է եղել, թե չեն կարողացել համաձայնության գալ հայտարարության տեքստի շուրջ։ Միաժամանակ Միրզոյանն ասաց, որ «առանձին երկրների և առանձին երկրի պարագայում մենք մեծ ակնկալիքներ ունեինք, և, թերևս, գաղտնիք չէ, որ որոշ դեպքերում դրանք այդքան էլ չեն արդարացել»։
Միրզոյանի ակնարկը կարելի է մեկնաբանել որպես վկայություն, որ այն երկիրը, որից Հայաստանը հատուկ ակնկալիքներ ուներ, վետո է դրել կամ անընդունելի պայմաններ է առաջադրել։
Ենթադրաբար, այդ երկիր Ռուսաստանն է։ Հիշեցնենք, որ ՄԱԿ-ում Ռուսաստանի մշտական ներկայացուցիչ Վասիլի Նեբենզյան նիստի ժամանակ ասել էր, որ «տարածաշրջանում հաղորդակցությունների ապաշրջափակելու նպատակով ստեղծվել է աշխատանքային խումբ, որն աշխատում է փաթեթների համաձայնեցման վրա՝ շեշտը դնելով երկաթուղային և ճանապարհային կապի գործարկման վրա՝ դեպի հարևան երկրներ ելքի հասանելիությամբ»։
Նա նաեւ նշել է, որ «սահմանային հարցերը պետք է կարգավորվեն սահմանազատման հանձնաժողովների աշխատանքի շրջանակներում՝ Ռուսաստանի խորհրդատվական աջակցությամբ՝ առանց արտաքին միջամտության»։ Այսինքն՝ Ռուսաստանը պնդում է եռակողմ համաձայնագրերը, հաղորդակցությունների բացումը և սահմանազատումը «Ռուսաստանի հսկողության ներքո»։
Ամենայն հավանականությամբ, այս դիրքորոշումն էր պատճառը, որ փաստաթուղթ չընդունվեց ՄԱԿ-ի Անվտանգության խորհրդում։
ՀՀ ԱԳՆ ղեկավարին հարիր չէ կիսակնարկներով խոսել. կոկետության ժամանակն անցել է, մնացել են կոշտ ազգային շահերն ու անվտանգությունը, և դրանք պահանջում են թշնամիներին անվանել թշնամիներ, իսկ բարեկամներին՝ բարեկամներ:
2020 թվականի հոկտեմբերին Հայաստանի փոխարտգործնախարար Շավարշ Քոչարյանը կիսակնարկով ասել էր, որ ՄԱԿ-ի Անվտանգության խորհրդի մշտական անդամներից մեկը, բայց ոչ ԵԱՀԿ Մինսկի խմբի համանախագահը, վետո է դրել Արցախում ռազմական գործողությունների դադարեցման մասին բանաձեւի վրա։ Նա չէր ասել, թե ով է դա, սակայն կասկածներն ընկան Մեծ Բրիտանիայի վրա, թեպետ հետո պարզվեց, որ դա Չինաստանն է։
ՀԳ․ Տեքստի առաջին նախադասությունում վրիպակ էր տեղ գտել, որն ուղղվել է։
lragir.am
Նմանատիպ Լուրեր
