Այս տարի Հայաստան է եկել «Քայլ դեպի տուն» ծրագրի 400 մասնակից 18 երկրներից
Ամբողջ ամառվա ընթացքում «Քայլ դեպի տուն» ուսումնաճանաչողական ծրագրի մասնակիցներն ամբողջ աշխարհից ժամանել են Հայաստան և ունեցել անմոռանալի փորձառություն:
«Քայլ դեպի տուն»-ը երկշաբաթյա կրթական և տեղեկատվական ծրագիր է, որը ֆինանսավորվում է ՀՀ կառավարության կողմից և նախատեսված է 13-ից 18 տարեկան սփյուռքահայերի համար:
Այս տարի Հայաստանն ընդունել է 400 մասնակից 18 երկրներից:
Սփյուռքի գլխավոր հանձնակատարի գրասենյակից հայտնում են, որ նրանք այցելել են պատմամշակութային և կրթական հաստատություններ, տեսարժան վայրեր, ինչպիսիք են Գոշավանքը, Պարզ լիճը, Գառնին, Գեղարդը, Թումանյանի թանգարանը, Մարտիրոս Սարյանի տուն-թանգարանը, ՀԲԸՄ հայաստանյան գրասենյակը, Հայաստանի ամերիկյան համալսարանը և այլն:
Ծրագիրը ներառել է նաև հայոց լեզվի, հայոց պատմության և հայկական երգ ու պարի դասընթացներ, որոնք վարել է «Դասավանդի՛ր, Հայաստան» կրթական հիմնադրամը:
Քայլ դեպի տուն ծրագրի վերջին փուլին մասնակցել են 79 պատանիներ Վրաստանից, Ռուսաստանից, Բուլղարիայից, Հունգարիայից, Գերմանիայից, Իսպանիայից, Լեհաստանից, Ֆրանսիայից, Հունաստանից և Ավստրիայից:
Նմանատիպ Լուրեր
