ՀՅԴ Բյուրոն իր ընկերներին ու մարմիններին շրջաբերական է ուղարկել՝ արգելելով մասնակցել «Համաշխարհային հայկական գագաթաժողովին»
Շրջաբերականի մեջ նշվում է, որ առ այս պահը չկա ՀՅԴ մարմիններին Սփյուռքի հանձնակատարի կողմից ուղարկված հրավեր, հետևաբար, ըստ կառույցի, չպետք է լինի նաև ՀՅԴ մասնակցության հարց։ Հաջորդ պարբերության մեջ կառույցն անցնում է ավելի կոշտ հռետորաբանության, մասնավորապես նշելով․ «Որևէ պատճառաբանությամբ ընկերների մասնակցությունը թույլատրված չէ»։
Որպես պատճառաբանություն ՀՅԴ-ն նշում է այն հանգամանքը, որ գագաթաժողովը կազմակերպում են Հայաստանի իշխանությունները։ Շրջաբերականի մեջ նշվում է, որ իբրև թե ՀՀ իշխանությունները պառակտումներ ու բաժանարար գծեր են ստեղծում նաև սփյուռքում, հետևաբար եթե որևէ այլ կառույց կազմակերպի նման գագաթաժողով՝ իրենց մասնակցությունը կթույլատրվի, եթե ոչ՝ ապա խստիվ արգելվում է։
https://www.1in.am/3153614.html