Հայաստանի Զինված ուժերի Գլխավոր շտաբի նվագախումբը կմասնակցի Մոսկվայի «Սպասկայա բաշնյա» փառատոնին
Հայաստանի զինված ուժերի Գլխավոր շտաբի նվագախումբը «Սպասկայա բաշնյա» միջազգային ռազմա-երաժշտական փառատոնի հյուրերին կծանոթացնի երկրի երաժշտությանը:
Ինչպես տեղեկացնում է «Արմենպրես»-ն, այս մասին ՏԱՍՍ-ին հայտնել է փառատոնի տնօրինությունը, նշելով, որ այն տեղի կունենա օգոստոսի 26 սեպտեմբերի 4-ը: Կազմակերպիչների տեղեկացմամբ՝ Հայաստանից փառատոնի մասնակիցների ծրագրում տեղ կգտնեն ազգային երգեր եւ մոտիվներ:
Մասնավորապես, նվագախումբը կկատարի «Գարունը»` «Գայանե» բալետից (կոմպոզիտոր Արամ Խաչատրյան), «Ալաշկերտի քոչարի» ժողովրդական պարը՝ դուդուկի եւ դհոլի նվագակցությամբ եւ այլ գործեր:
«Բացի դրանից, Հայաստանից ժամանած կոլեկտիվը փառատոնի հյուրերի համար կնվագի «Ես արդեն տեսել եմ քեզ» երգը (երաժշտությունը` Շառլ Ազնավուրի) եւ «Իմ թանկագին մոսկվացիներ» երգը` «Պոկրովյան դարպասներ» կինոֆիլմից (երաժշտությունը Իսահակ Դունաեւսկու)»,- մանրամասնել են կազմակերպիչներն՝ ընդգծելով, որ նվագախումբը, փոխգնդապետ Հայկ Գրիգորյանի եւ դիրիժոր մայոր Արտակ Սիմոնյանի ղեկավարությամբ, ստեղծագործական սերտ կապեր Է պահպանում Հայաստանի երաժշտական եւ ստեղծագործական կոլեկտիվների, երիտասարդ հեղինակների եւ կատարողների հետ:
Հայաստանի զինված ուժերի Գլխավոր շտաբի նվագախումբը ստեղծվել Է 1992 թվականին: Այդ ժամանակվանից ի վեր այն մասնակցել Է 2000-ից ավելի միջոցառումների, որոնց թվում՝ 2008 թվականին Սանկտ Պետերբուրգի Զինվորական նվագախմբերի միջազգային փառատոնին, Էկշե քաղաքի Զինվորական նվագախմբերի միջազգային փառատոնին (Շվեդիա, 2010 թվական): 2019 թվականի փետրվարին նվագախումբն ապահովել Է Աբու Դաբիի (Արաբական Միացյալ Էմիրություններ) IDEX 2019 սպառազնությունների միջազգային ցուցահանդեսի երաժշտական նվագակցությունը:
Առաջին անգամ «Սպասկայա բաշնյա» փառատոնին նվագախումբը մասնակցել Է 2017 թվականին, երկու տարի անց կոլեկտիվը դարձել Է «Սպասկայա բաշնյան Սախալինում» փառատոնի մասնակիցը:
Փառատոնը տեղի կունենա Մոսկվայի Կարմիր հրապարակում:
Նմանատիպ Լուրեր
