Հուլիսի 5-ին կստորագրվեն ՆԱՏՕ-ին Ֆինլանդիայի և Շվեդիայի անդամակցության մասին արձանագրությունները, և նրանք դաշինք կմտնեն ՆԱՏՕ-ի բոլոր 30 անդամների կողմից այդ փաստաթղթերի վավերացումից հետո։ Այդ մասին երկուշաբթի օրը հայտարարել է Հյուսիսատլանտյան դաշինքի շտաբը։

«ՆԱՏՕ-ի դաշնակիցները հուլիսի 5-ին Ֆինլանդիայի և Շվեդիայի հետ միանալու արձանագրությունները կստորագրեն»,-ասվում է հայտարարության մեջ։

Ֆինլանդիան և Շվեդիան միաժամանակ դիմել են ՆԱՏՕ-ին անդամակցելու համար՝ Ուկրաինա Ռուսաստանի ռազմական ներխուժումից հետո։

ՆԱՏՕ-ի անդամ Թուրքիան դեմ էր Ֆինլանդիայի և Շվեդիայի անդամակցությանը՝ դժգոհելով նրանից, որ այդ երկրները չեն արտահանձնում ըստ Անկարայի՝ «ահաբեկչության մեջ ներգրավված» Թուրքիայի քաղաքացիներին:

Հունիսի 28-ին, սակայն, ՆԱՏՕ-ի գագաթնաժողովում, երկրներին հաջողվել էր համաձայնության գալ։

Աղբյուր՝ armradio.am