Խաթիբզադե. Իրանի վերաբերյալ ՄԱԿ-ի զեկույցը քաղաքական է և անարդար
parstoday.com- Հունիսի 21-ին կայացած մամուլի ասուլիսում, պատասխանելով ԻՌՆԱ-ի թղթակցի հարցին, Մաջիդ Թախթռավանչին ասել է. «Ինչպես բազմիցս նշվել է, նման բանաձևերը քաղաքականացված են, կոմնակալ ու անարդար: Դրանց շուրջ անդամ երկրների կոնսենսուս գոյություն չունի»
Թախթռավանչին հավելել է. «Իրանը ՄԱԿ-ի գլխավոր քարտուղարի գրասենյակ է ուղարկել զեկույցի յուրաքանչյուր կետի և պնդումների վերաբերյալ իր մանրամասն և հիմնավոր մեկնաբանությունները և փաստարկները, որոնք, ցավոք, մեծ մասամբ, անտեսվել են»:
ԻԻՀ ԱԳՆ խոսնակը նշել է. «Ցավոք, ՄԱԿ-ի գխավոր քարտուղարի անունից հրապարակված զեկույցը հիմնված է կեղծ մեղադրանքների և և անհիմն աղբյուրների վրա: Իրանի մանրամասն պատասխանը հասանելի կլինի Մարդու իրավունքների խորհրդի անդամ բոլոր երկրներին»:
Նա հավելել է. «Հիմնվելով իր կրոնական համոզմունքների և իրավական պարտավորությունների վրա, Իրանը շարունակում է իրեն պարտավորված համարել խթանել և պաշտպանել մարդու իրավունքները և պատրաստ է համագործակցել և փոխգործակցել ՄԱԿ-ի մարդու իրավունքների մեխանիզմների հետ»:
Իարնցի դիվանագետի խոսքով. «Զեկույցը չի անդրադառնում պատժամիջոցներ սահմանող երկրների կրած պատասխանատվությանը և դրանում ներկայացված չեն ԱՄՆ-ի կողմից Իրանի ժողովրդի մարդու իրավունքների վրա անօրինական, ճնշող և հանցավոր միակողմանի հարկադրանքի բացասական, կործանարար, վնասակար և մահացու հետևանքները»: