«Այն մարդիկ, ովքեր այս պահին դրսում պայքարում են, չեն պայքարում Արցախի համար, չեն պայքարում ՀՀ-ի և հայ ժողովրդի համար, այլ պայքարում են իրենց ունեցվածքը պահելու համար: Ինչ -որ մայլոկ հայտարարում է, թե իբրև ՔՊ-ն չունի իշխանություն, մենք ամեն օր մարզերում, գյուղերում, քաղաքներում շրջում խոսում ենք, բայց եկեք տեսեք, որ այդ մայլոքին չեն հասցրել, որ ինքը նույնիսկ ընդդիմության լիդեր չի կարող լինել, քանի որ իրեն ժողովուրդը չի ընդունել:  Հայտարարում է, թե իբրև 44-օրյա պատերազմում արել եմ այն, ինչ չեն արել ՔՊ բոլոր անդամները»,- ասաց նա:

Պատգամավորը պատերազմից մի դրվագ պատմեց. «44-օրյա պատերազմն էր, հոկտեմբերի 20, երբ մի Սաղաթելյան ազգանունով մեկին բերեցին իմ ջոկատ՝ «Գեղարքունիք» ջոկատ, որի անունն էր Վաչիկ Սաղաթելյան՝ Իշխան Սաղաթելյանի հայրը:  «Գեղարքունիք» ջոկատի անդամները կհիշեն այդ պահը, ասաց՝ ես հիվանդ եմ, ինձ թող տուն գնամ, իմ տղաները կգան ու կմասնակցեն, գնաց, տղաներից ոչ մեկ չեկավ, և չեմ էլ կարծում, որ մեկ օր գոնե 44-օրյա պատերազմի ընթացքում գնացել են: Ու այդ մարդը հրապարակից կանգնում և ասում է, որ ինքը ավելին է արել՝ մոռանալով, որ ՔՊ-ից կան պատգամավորներ, ովքեր պատերազմների մասնակցել են, բազմաթիվ կորուստներ են ունեցել»,- ասաց նա:

Նա նշեց, որ պատերազմ անցած մարդը երբեք պատերազմի մասին երկար չի  խոսում:  Նա նշեց, թե ինչպես էին նախկինում ծեծելով տանում ոստիկանության բաժանմունք, ինչպես է Արծվիկ Մինասյանը ազատել իրեն աշխատանքից: «Այդ իշխանիկը ոստիկանին ասում է մատերդ կջարդեմ: Ախր մենք իրեն հլը մարզպետարանից գիտենք, երբ մտնում էի իր սենյակ, ոտքերը և ձեռքերը դողում էին, իմ դուրս գալուց հետո էլ հեռախոսը վերցնում զանգում էր տարածքային կառավարման նախարարություն և բողոքում՝ Գրիգորյան Նարեկը բարձր է խոսում»,- ասաց նա: Պատգամավորը նաև  իր զորակցությունը հայտնեց ինչ-որ խուլիգանների կողմից վիրավորված ոստիկաններին և մոլորված քաղաքացիներին, որոնք  այս պահին չգիտեն՝ ինչ են անում:

araratnews.am