Իշխան Սաղաթելյանի գրոհի կոչից ու բախումների գնալուց հետո, ոստիկանությունը լուսաձայնային ճայթուկներ կիրառեց
Այսպիսով՝ ընդդիմությունը հույս ունի, որ բախումների գնալով կկարողանա ավելացնել ցույցերի մասնակիցների թիվը, այնպես, ինչպես դա տեղի ունեցավ 2018-ին, երբ ձերբակալվեց Նիկոլ Փաշինյանը, իսկ ոստիկանությունը հատուկ միջոցներ կիրառեց իրապես խաղաղ ցուցարարների
նկատմամբ, կամ, երբ «Էլեկտրիկ Երևան»-ի ժամանակ ջրցան կիրառելուց հետո ցուցարարների քանակը բազմապատկվեց։
Իշխան Սաղաթելյանը, որն ստանձնել է ընդդիմության գործողությունների պլանավորման և առաջնորդման դերը, Կառավարական առանձնատան դիմաց կոչ արեց քաղաքացիներին գրոհել ոստիկանական պատի ուղղությամբ, ապա ցուցարարների կողմից քարեր և շշեր նետվեցին իրավապահների ուղղությամբ, որից հետո ոստիկանությունը լուսաձայնային ճայթուկներ կիրառեց։
Միայն սահմանադրական ճանապարհով իշխանափոխության հասնելու հայտարարություններ անող ընդդիմությունը, ակնհայտորեն, գնում է բախումների ճանապարհով՝ հասկանալով, որ չի կարող 2018-ի ոչ բռնի, թավշա ճանապարհով հասնել հաջողության։
Եկել է «քոչարյանական» մեթոդների ժամանակը` պլան Բ-ն։