Այաթոլլահ Խամենեի․ Երկրի բոլոր խնդիրների համար կարելի է գիտական լուծում գտնել
Իսլամական հեղափոխության մեծարգո առաջնորդն ասել է. «Իրանի ժողովրդի երիտասարդության կարողությունները կարող են նախադրյալներ ստեղծել համաշխարհային գիտության և երկրի միջև առկա գիտական ճեղքը փակելու , գիտության համաշխարհային սահմանները հատելու, իսլամական նոր քաղաքակրթություն հիմնելու և երկրի փայլուն ապագան կերտելու համար»:
Այաթոլլահ Խամենեին, չորեքշաբթի օրը գիտական էլիտայի երիտասարդ ու տաղանդավոր ներկայացուցիչների հետ հանդիպման ժամանակ, հայտարարել է. «Իրանի ժողովուրդը պոտենցիալ էլիտար ազգ է և, հետևաբար, վաղուց դարձել է գաղութատերերի նվաստացուցիչ փափուկ պատերազմի թիրախը, որպեսզի մոռանա և նույնիսկ ժխտի իր տաղանդներն ու կարողությունները և ընդունի «մենք չենք կարող» մեծ սուտը»:
Նա ասել է.«Իրանի պատմության վերջին 200 տարում ժամանակի գաղութատերերն ու տիրակալները միաձայն քարոզում էին, թե Իրանի ժողովուրդն անկարող է, սակայն հեղափոխության հաղթանակը վերջ տվեց այդ գործընթացին»։
Անդրադառնալով մի քանի տարի առաջ Իրանի ապագայի և համաշխարհային գիտության ասպարեզում առաջատար լինելու անհրաժեշտության վերաբերյալ իր հայտարարությանը, Այաթոլլահ Խամենեին ասել է.- «Պետք է այնպես շարժվենք,որ ապագայում Իրանը դառնա համաշխարհային գիտության աղբյուր և ցանկացած մարդ գիտական վերջին նորություններին հասանելիություն ունենալու համար ստիպված լինի պարսկերեն սովորել, ինչպես որ պատմության տարբեր ժամանակահատվածներում, իրանցիները գտնվել են համաշխարհային գիտության գագաթներում և իրանցի գիտնականների գրքերը դասավանդվել են արևմտյան ու արևելյան երկրների համալսարաններում:
Նշելով, որ երկրի խնդիրների լուծումը գիտական հասարակության կարևոր նպատակներից է, մեծարգո առաջնորդը թվարկել է ջրի, դրամական համակարգի, գյուղերի դատարկվելու, ֆինանսական, հարկային, բանկային ու արտադրության համակարգի, կենսոլորտի ու տրանսպորտի հետ կապված խնդիրները և սոցիալական վնասները: Նա ասել է.«Երկրի բոլոր խնդիրների համար կարելի է գիտական լուծում գտնել»:
Նմանատիպ Լուրեր
