Թեհրանի <<Հայ Մշակութային Հասարակական Ֆորում>>-ի և <<Ս․ Մարիամ Աստվածածին Բարեգործական Կենտրոն>>-ի վարչության անդամները և աշխատակազմը 2022թ.–ի ապրիլի 24-ի առավոտյան  Հայոց մեծ ցեղասպանության 107–րդ տարելիցին, ներկա գտնվելով Թեհրանի Ս․ Սարգիս եկեղեցում կազմակերպված հոգեհանգստյան և  հարգանքի մատուցման արարողության, զույգ կենտրոնների կողմից ծաղիկներ խոնարհեցին եկեղեցու բակում տեղադրված  Հայոց Ցեղասպանության հուշակոթողի առջև։ 

Այնուհետև երեկոյան զույգ կենտրոնների դահլիճում կազմակերպվել էր գեղարվեստական միջոցառում և  Պոլսահայ մտավորական, լրագրող, հրապարակախոս և <<Ակոս>> օրաթերթի  նախկին խմբագիր, թուրքական ծայրահեղականության ահաբեկչական գործողության զոհ դարձաց՝ Հրանդ Դինքի գաղափարախոսությա նվիրված՝ թուրք կինոռեժիսոր Ումիթ Քվանչի պատրաստած վավերագրական ֆիլմի ցուցադրությունը։

Այնուհետև ներկանները քննարկեցին ֆիլմը և Հրանդ Դինքի կողմից առաջին անգամ արծարծված Հայ-Թուրքական հարաբերության կարգավորման վերաբերյալ  գաղափարը և ցեղացպանության  միջազգային ճանաչման ու  հայ համայնքին առընչվող մի շարք  հարցեր։