Հայաստանի և Ադրբեջանի միջև խաղաղության պայմանագրի հարցով ԵԱՀԿ ՄԽ համանախագահությանը դիմելը լավ մտածված դիվանագիտական քայլ է․ Արման Բաբաջանյան
Ադրբեջանի ԱԳՆ-ն օրերս բացահայտել է Հայաստանին ներկայացրած խաղաղության պայմանագրի առաջարկների 5 կետերը։
ՀՀ ԱԳՆ-ն էլ ի պատասխան Հայաստանի և Ադրբեջանի միջև խաղաղության պայմանագրի կնքման նպատակով բանակցություններ կազմակերպելու համար դիմել է ԵԱՀԿ ՄԽ համանախագահությանը։
Այս առնչությամբ Civic.am-ը զրուցել է «Հանուն Հանրապետության» կուսակցության նախագահ Արման Բաբաջանյանի հետ։
Նա նշեց, որ Երևանի և Բաքվի միջև խաղաղության պայմանագրի վերաբերյալ գործընթացը շատ ավելի վաղ է սկսվել, բայց Ադրբեջանն օգտվելով աշխարհաքաղաքական իրավիճակից, Ուկրաինայում ստեղծված իրավիճակից, փորձում է իր համար առավել նպաստավոր քաղաքական, դիվանագիտական իրավիճակ ստեղծել, ըստ էության, Ադրբեջանը պատրաստելով շատ ավելի շահեկան վիճակի հետպատերազմական իրավիճակում, քան այսօր այդ երկիրն ունի։
Արման Բաբաջանյանը նշեց, որ հասկանալի է, որ գնալով աճում է Թուրքիայի դերը և՛ տարածաշրջանում, և՛ հատկապես արևմուտքի համար, և՛ առավել ևս Ռուսաստանի համար, և այստեղ Ադրբեջանը հասկանում է, որ իր համար լայն հնարավորություններ են ստեղծվում։
«Այդտեղ Երևանը շատ հետաքրքիր քայլ է իրականացնում, ըստ էության, դիմում է այն մարմնին, որն ի սկզբանե ԵԱՀԿ-ի կողմից ստանձնել է խնդրի կարգավորումը և հաշվի առնելով նաև այսօրվա ուկրաինական ճգնաժամի բերումով Ռուսաստանի և արևմուտքի միջև սրված դիմակայությունը և հաշվի առնելով, որ այդ սրված դիմակայությանը մենք շատ ավելի երկար պատմության ականատես ենք եղել, միևնույն ժամանակ տեսել ենք, որ ՄԽ շրջանակներում արևմուտքը և Ռուսաստանը մշտապես կարողացել են անհրաժեշտ համակեցության ռեժիմում աշխատել և համաձայնության հասնել հարցերում, որ այլ պարագայում կարելի էր նույնիսկ զարմանալ, որ արևմուտքի և Ռուսաստանի միջև կարող է այդքան ներդաշնակություն լինել»,-ասաց Արման Բաբաջանյանը։
Նա նաև նշեց, որ սա Երևանի համար բացառիկ հնարավորություն է՝ հարթակ վերադարձնել խնդրի կարգավորման շուրջ ԱՄՆ-ին, Ֆրանսիային, Ռուսաստանին, որոնք ի սկզբանե զբաղված են եղել այս խնդրի կարգավորմամբ, և ըստ էության, պատերազմի ավարտից ի վեր նրանք մեկ անգամ են տարածաշրջան այցելել։
«Եվ հիմա մենք մշտապես վերջին շրջանում նաև Ռուսաստանի կողմից լսել ենք խնդրի կարգավորման ուղղությամբ ՄԽ-ի՝ որպես միակ մարմին, միջազգայնորեն ճանաչված հարթակ, այլընտրանք չունենալու իրողությունը։ Ես կարծում եմ, որ սա շատ լավ մտածված դիվանագիտական քայլ է, ավելին՝ հույս ունեմ, որ դա համաձայնեցված քայլ է Ռուսաստանի հետ»,-ասաց Արման Բաբաջանյանը։
Մանրամասները՝ տեսանյութում
Լիլիթ Թադևոսյան
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
