Երեքշաբթի օրը, ԻՌՆԱ-ին տված հարցազրույցում, «ARMI-2021»՝  Ռուսաստանի 7-րդ ռազմատեխնիկական ցուցահանդես-մրցույթում ԻԻՀ պատվիրակության ղեկավար, բրիգադի գեներալ Սաիդ Շաբանյանը հայտարարել է. «Մենք ուրախ ենք, որ Իրանի և Ռուսաստանի   հարաբերություններն ու համագործակցությունը, երկկողմ, տարածաշրջանային և միջազգային հարցերում մուտք են գործել առավել մեծ փոխվստահության փուլ»:

Նա նշել է. «Սկսվել է Թեհրան-Մոսկվա համատեղ համագործակցության նոր փուլ՝ ուղղված տարածաշրջանի երկրների մասնակցությամբ՝ խաղաղության, կայունության հաստատման և տարածաշրջանային խնդիրների կարգավորման ուղղությամբ»:

Շաբանյանը հավելել է. «Այս կապակցությամբ, կարևոր է խաղաղության, անվտանգության հաստատման և տարածաշրջանային մեխանիզմի ակտիվացման ուղղությամբ բազմակողմ համագործակցությունը՝ տարածաշրջանային այլ կարևոր խնդիրների, ներառյալ՝ Աֆղանստանում, Կովկասում և այլ տարածաշրջաններում առկա խնդիրների լուծման ուղղությամբ:

Աղբյուրը ՝ armradio.am