Վերջնական փոխհամաձայնությունը և Իրանի պատժամիջոցների վերացումը շատ մոտ է և տեսանելի
Իրանի միջուկային ծրագրի շուրջ «4+1» ձևաչափով Վիեննայի բանակցությունները մոտենում են ավարտին: Վերջնական փոխհամաձայնությունը և Իրանի պատժամիջոցների վերացումը շատ մոտ է և տեսանելի:
Հուսադրող լուրեր են շրջանառվում՝ Իրանի միջուկային ծրագրի շուրջ ընթացող բանակցությունների վերաբերյալ: Հնարավոր է, որ մյուս շաբաթ բանակցություններն ավարտվեն վերջնական համաձայնությամբ:
Վիեննայի բանակցություններում Ֆրանսիայի ներկայացուցիչ Ֆիլիպե Էրերան իր թուիթերյան էջում
Շնորհակալություն է հայտնել բոլոր բանակցող կողմերին.
«Շնորհակալություն վերջին 11 ամիսների ընթացքում ձեր բոլորի անխոնջ ջանքերի համար»:
Իրանի արտաքին գործերի փոխնախարար և Իրանի ատոմային համաձայնագրի վերականգնման հարցով գլխավոր բանակցող Ալի Բաղերի Քանին իր թուիթերյան էջում գրել է.
«Շաբաթներ տևած ինտենսիվ բանակցություններից հետո՝ մենք ավելի քան երբեւէ մոտ ենք համաձայնության. ոչինչ համաձայնեցված չէ, քանի դեռ ամեն ինչ համաձայնեցված չէ»:
«Մեր բանակցող կողմերը պետք է լինեն իրատես, խուսափեն անզիջողականությունից և հետևեն անցած 4 տարիների դասերին:
Ժամանակն է, որ նրանք լուրջ որոշումներ կայացնեն»։
Իրանի միջուկային բանակցություններում Ռուսաստանի բարձրագույն ներկայացուցիչ Միխաիլ Ուլյանով.
«Լրացավ վեց ամիսը՝ Վիեննայի բանակցությունների մեկնարկից ի վեր: Երկար ու հոգնեցուցիչ մարաթոնն այժմ գրեթե ավարտված է»:
Իրանի Արտաքին Գործերի նախարարության խոսնակ Սաիդ Խաթիբզադե.
«Վիեննայի բանակցությունները շարունակվում են: Վաղաժամ լավ նորությունները չեն կարող փոխարինել լավ համաձայնությանը: Ոչ ոք չի կարող ասել, որ փոխհամաձայնությունը կայացած է, քանի դեռ մնացած բոլոր հարցերը լուծված չեն։ Անհրաժեշտ են լրացուցիչ ջանքեր: Բոլորն այժմ կենտրոնացած են վերջին կրիտիկական քայլերի վրա»։
Փույա Հոսեյնի
Նմանատիպ Լուրեր
