Նրա խոսքով ՝ Ռուսաստանը հնչեցրել է իր դիրքորոշումները, Ուկրաինան հակընդդեմ կետեր է առաջադրել մшրտшկшն գործողությունների

ավարտի համար, Կիեւը «որոշ ազդանշաններ» է ստացել։ Զելենսկին նաև հերթական ուղերձում կոչ է արել Ռուսաստանին հանել ՄԱԿ ԱԽ-ից,

ինչպես նաև խնդրել է Ռուսաստանից ոչ մի ապրանք չգնել: Բացի այդ, Ուկրաինայի նախագահը պահանջում է փակել օդանավակայաններն ու

ծովային նավահանգիստները Ռուսաստանի համար: Ուկրաինայի նախագահ Վլադիմիր Զելենսկին երկրի՝ Եվրոպական միությանն

անդամակցելու դիմում է ստորագրել: Ինչպես հաղորդում է «Արմենպրես»-ը, վկայակոչելով «ՏԱՍՍ»-ին, այս մասին փետրվարի 28-ին հայտնել է

«Ժողովրդի ծառա» ուկրաինական կուսակցության մամուլի ծառայությունը: «Զելենսկին Ուկրաինայի՝ Եվրամիությանն անդամակցելու դիմում

է ստորագրել: Պատմական պահ է»,-ասվում է հաղորդագրության մեջ: Կուսակցությունը հրապարակել է նաև նախագահի ստորագրությամբ

ուղեկցող նամակի տեքստը. «Այս նամակով Ուկրաինան, որպես եվրոպական պետություն, որը հարգում է Եվրամիության մասին պայմանագրի

2-րդ հոդվածում ամրագրված արժեքները, պատիվ ունի դիմել ԵՄ անդամակցության համար՝ համաձայն Եվրամիության մասին պայմանագրի

49-րդ հոդվածի»: Նամակն ուղարկվել է Ֆրանսիայի նախագահ Էմանուել Մակրոնին, որի երկիրը  նախագահում է ԵՄ խորհուրդը, ինչպես նաև

Եվրոպական խորհրդի նախագահ Շառլ Միշելին և Եվրոպական հանձնաժողովի նախագահ Ուրսուլա ֆոն դեր Լեյենին։