Տնտեսական հարաբերությունների ընդլայնումն Իրանի արտաքին քաղաքականության առաջնահերթությունն է
Իրանի ԱԳ նախարարն ասել է.«Այլ երկրների, հատկապես հարևան երկրների հետ առևտրատնտեսական հարաբերությունների ընդլայնումը համարվում է Իրանի Իսլամական Հանրապետության կառավարության արտաքին քաղաքականության կարևորագույն նպատակներից մեկը»։
Իրանի արտաքին գործերի նախարար Հոսեյն Ամիր Աբդոլլահյանը կիրակի օրը Իրանի նախագահի խորհրդական և երկրի արդյունաբերական ազատ առևտրատնտեսական գոտիների հարցերով քարտուղար Սաիդ Մոհամմեդի հետ հանդիպման ժամանակ, անդրադառնալով ազատ առևտատնտեսական գոտիներում ներդրումներ կատարելու որոշ երկրների շահագրգռվածությանը, և արտերկրում իրանցիների շրջանում առկա բազում պոտենցիալներին, արտաքին գործերի նախարարության լիակատար պատրաստակամությունն է հայտնել ազատ գոտիներում օտարերկրյա կապիտալ ներգրավելու և համագործակցություններն ամրապնդելու համար:
Անդրադառնալով Իրանի ազատ առևտրատնտեսական գոտիների վերջին զարգացումներին, Սաիդ Մոհամմադը թվարկել է այդ գոտիներում առկա բազմաթիվ կարողությունները և համագործակցության ու ներդրումների լայն ոլորտները։
Իրանի արդյունաբերական ազատ առևտրատնտեսական գոտիների հարցերով քարտուղարը նաև արտաքին գործերի նախարարության առավել քան երբևէ աջակցությունն է ցանկացել՝ այլ երկրների հետ համագործակցությունն ընդլայնելու և տնտեսական հատուկ գոտիներում ակտիվ ներկայություն ունենալու և ներդրումներ կատարելու համար:
Նմանատիպ Լուրեր
