«Ենթադրվում է, որ աշխարհում կա 200-ից 250 միլիոն թուրք, և նրանց մոտ մեկ երրորդը ապրում է Թուրքիայում», – ասվում է հոդվածում։

Տեքստում նշվում է, որ ընդհանուր առմամբ կան յոթ թյուրքական պետություններ՝ Թուրքիան, Ադրբեջանը, Ղազախստանը, Ուզբեկստանը, Ղրղզստանը, Թուրքմենստանը և oկnւպшցվшծ Հյուսիսային Կիպրոսը, որոնց անկախությունը ճանաչել է միայն Անկարան։ Թվարկված են նաև թյուրքական մեծամասնություն ունեցող ինքնավար շրջանները՝ Չինաստանի Սինցզյան ույղուրական ինքնավար շրջանը (հոդվածում կոչվում է Արևելյան Թուրքեստան), Մոլդովայում՝ Գագաուզիան, Ուզբեկստանում՝ Կարակալպակստան և Ադրբեջանում՝ Նախիջևանը։

Հրապարակումն այնուհետեւ թվարկել է «ինքնավար թյուրքական հանրապետությունները»: Այս ցանկում ներառվել են Ռուսաստանի տասը շրջաններ՝ Թաթարստանը, Բաշկիրիան, Չուվաշիան, Տուվան, Յակուտիան, Կաբարդինո Բալկարիան, Դաղստանը, Խակասիան, Կարաչայ-Չերքեզիան: Միաժամանակ նշվում է, որ թյուրք ժողովուրդների ներկայացուցիչները մեծամասնություն չեն կազմում բոլոր հանրապետություններում։

Ավելի վաղ թուրքական լրատվամիջոցներն արդեն մի քանի անգամ հրապարակել էին տարբեր նյութեր, որոնցում այլ պետությունների տարածքները թուրքական են անվանվել։ Այսպիսով, անցյալ տարի Թուրքական պետական ռադիո և հեռուստատեսությունը ցուցադրեց Անկարայի ազդեցության գոտու ընդլայնման կանխատեսումը մինչև 2050 թվականը դեպի Բալկաններ, Անդրկովկաս, Մերձավոր Արևելք, Կենտրոնական Ասիա, ինչպես նաև Ռուսաստանի հարավ և Վոլգայի շրջաններ։