Աշնանային շրջագայություն Իրանի հյուսիսում գտնվող երկաթուղային կայարաններում
Սավադքուհ քաղաքում գտնվող շիրգահ երկաթուղային կայարանը համարվում է Իրանի
ամենագեղեցիկ վայրերից մեկը։ Մազանդարան նահանգի այս կայարանը այնքան հիասքանչ է, որ
ներառվել է երկրի հյուսիսի ամենադիտարժան զբոսաշրջային վայրերի ցանկում: Հյուսիսային
երկաթգիծը գտնվելով լեռնային և հարթավայրային շրջանների միջև բաժանված է երկու մասերի։
Այս երկաթուղային ճանապարհի յուրաքանչյուր հատվածում զբոսաշրջիկները կարող են տեսնել
ամենազարմանահրաշ բնության պատկերները։ Երկաթգծի մոտ 187 կիլոմետրը անցնում է
հարթավայրերով, որը լի է գեղեցիկ տեսարաններով։ Ճանապարհի մյուս հատվածում գնացքի
ուղեւորների առջեւ բացվում են Սավադքուհի շրջակայքի լեռնային ու անտառային տարածքների
յուրօրինակ տեսարանները, որոնցից կարելի է նշել Թալար գետի մոտակայքում գտնվող
անտառները, պատմական Վերեսք կամուրջը, Դոաբ (Քալանթարի) կամուրջը և երեք ոսկե
երկաթգծերի տեսարանը (կոչվում է «Սե Խաթ թալա», որը Վերեսք կամուրջի մի հատվածն է)։
Երկրի Հյուսիսային գնացքը անցնելով բազմաթիվ թունելներով և կամուրջներով հասնում է
Սավադքուհի «Շիրգահ» կայարանը։