Թեհրանի Ամիրքաբիրի համալսարանի դասախոս, պրոֆեսոր Գևորգ Կարապետյանը դարձավ աշխարհի խոշորագույն ինժեներական ասոցիացիայի լավագույն հեղինակը
ISNA-ի հաղորդման համաձայն, Թեհրանի <<Ամիրքաբիր>> տեխնոլոգիական համալսարանի էլեկտրատեխնիկական ֆակուլտետի պրոֆեսոր, խելացի ցանցերի և էներգահամակարգերի ոլորտում ամենաճանաչված հետազոտողներից՝ պրոֆեսոր Գևորգ Կարապետյանը ներկայացվել է, որպես Էլեկտրական և էլեկտրոնիկայի ինժեներների ինստիտուտի լավագույն հեղինակ (IEEE):
Ամիրքաբիրի տեխնոլոգիական համալսարանի պրոֆեսորն «Բաշխիչ ցանցերում բազմացանցային ցանցերի հաճախականության վերահսկման բարելավում» թեման ուսումնասիրելու համար այս ասոցիացիայի կողմից ընտրվել է 2022 թվականի հունվար ամսի Էլեկտրական և էլեկտրոնիկայի ինժեներների ինստիտուտի լավագույն հեղինակ (IEEE):
Ամիրքաբիրի տեխնոլոգիական համալսարանի այս պրոֆեսորի և ԱՄՆ-ի Օհայո նահանգի պետական համալսարանի և Շվեյցարիայի Ցյուրիխի ETH երկու այլ բարձրակարգ դասախոսների ընտրությունը հրապարակվել է IEEE Xplore փաստաթղթերի տվյալների բազայում https://ieeexplore.ieee.org/Xplore/home.jsp:
Պրոֆեսոր Գևորգ Կարապետյանը հեղինակել է ավելի քան 1300 գիտական հոդվածներ տարբեր գիտական ամսագրերում և գիտաժողովներում և նրա աշխատություններից ավելի քան 10000 հղումներ է կատարվել էլեկտրաէներգիայի համակարգերի ոլորտում:
Ըստ Ամիրքաբիրի տեխնոլոգիական համալսարանի հասարակայնության հետ կապերի փոխանցմամբ, նա 15-ից ավելի պարսկերեն և միջազգային գրքերի հեղինակ և թարգմանիչ է: Նաև գտնվում է աշխարհի ամենաշատ մեջբերված գիտնականների առաջին մեկ տոկոսի ցուցակում։