Իրանի «Արաքս» ազատ տնտեսական գոտուց արտահանվել է 665 մլն դոլարի ապրանք
Իրանի «Արաքս» տնտեսական ազատ գոտու կազմակերպության գործադիր տնօրեն Մոհսեն Նարիմանն այսօր ԻՌՆԱ-ի հետ զրույցում անդրադառնալով վերջին տարիներին այս գոտուց արտահանման աճին, ասել է. «Վերջին տասը ամսում «Արաս» ազատ գոտուց արտահանվել է 665 մլն դոլարի ապրանք»։
Նա հավելել է. ««Արաքս» տնտեսական ազատ գոտուց արտահանման հիմնական ուղղությունները եղել են Թուրքիան, Ադրբեջանը, Ռուսաստանը, Իրաքը, Հայաստանը, Վրաստանը, Աֆղանստանը, Ղազախստանը և Գերմանիան»։
Նարիմանը նշել է. «Այս գոտուց իրականացվում է վերջնական արտահանում, ներքին ապրանքների արտահանում, վերաարտահանում և ընդհանուր առմամբ, նախորդ տարվա համեմատ, այս տարի ազատ գոտուց արտահանումն աճել է 22 տոկոսով»։
Իրանի «Արաքս» տնտեսական ազատ գոտին գտնվում է Իրանի Արևելյան Ատրպատական նահանգում:
Ըստ Իրանի ազատ գոտիների գերագույն խորհրդի քարտուղարության տվյալների՝ «Արաքս»տնտեսական ազատ գոտին «Քիշ» ազատ գոտուց հետո երկրորդն է՝ զարգացած և ընդլայնվող ազատ գոտիների թվում:
Իրանի «Արաքս» տնտեսական ազատ գոտին գտնվում է Ադրբեջանի Հանրապետության և Հայաստանի հետ Իրանի սահմաններին և իր կլիմայական և աշխարհագրական դիրքի ու զբոսաշրջային գրավչությունների շնորհիվ դարձել է երկրի զբոսաշրջային ուղղություններից մեկը։
parstoday.com/hy