Չենք կարող ասել՝ պրոցեսը հարյուր տոկոսով հաջողված կլինի, բայց Հայաստանն ու Թուրքիան պետք է խոսեն․ Արփի Վարդանյան
«Առաջին լրատվական»-ի զրուցակիցն է Ամերիկայի հայկական համագումարի տարածաշրջանային գրասենյակի տնօրեն Արփի Վարդանյանը։
-Տիկին Վարդանյան, հունվարի 14-ին Մոսկվայում տեղի են ունենալու հայ-թուրքական առաջին բանակցությունները։ Քանի որ ձեր կազմակերպությունը, սփյուռքի շատ այլ կառույցներ տարիներ շարունակ հսկայական աշխատանք են կատարել Ցեղասպանության ճանաչման ուղղությամբ, ինչպե՞ս եք գնահատում այս նոր պրոցեսը։
–Մեր կազմակերպությունը և շատ այլ կազմակերպություններ մշտապես կողմ են եղել, որ խաղաղության վերաբերյալ բանակցություններ լինեն, սահմաններ բացվելու գործընթաց լինի։ Բայց ուզում եմ նշել, որ Թուրքիայի կողմից Ցեղասպանության ճանաչումը բոլորովին այլ պրոցես է, իսկ մեկնարկած այս պրոցեսը՝ բոլորովին այլ։ Չեմ կարծում, թե հունվարի 14-ին սկսվող բանակցությունները ցեղասպանության մասին են լինելու կամ այդ հարցն առհասարակ իրենց օրակարգում կա։
-Իսկ ընդհանուր պրոցեսին ինչպե՞ս եք վերաբերում, կո՞ղմ եք երկրների միջև հարաբերությունների բարելավմանը։
-Ես մշտապես կարծել եմ, որ խոսելն ու հանդիպելը կարևոր պրոցես է։ Եթե չես սկսում բանակցություններ, չես խոսում, չես հանդիպում՝ դա լավ տեղ չի տանում։ Եթե ես և դուք որևէ հարցի շուրջ խնդիր ունենանք, պետք է այդ մասին խոսենք, որ հացը կարգավորվի։ Մեկ ուրիշը կարող է մեզ համար դա լուծել, բայց դա հօգուտ մեզ լինել չի կարող։ Հնարավոր է մենք մտնենք այդ բանակցությունների մեջ ու ոչինչ չստացվի, բայց մենք մեր քայլը կատարած կլինենք։ Չեմ ասում, որ այս պրոցեսը հարյուր տոկոսով հաջողություն է ունենալու, բայց քննարկումներ պետք է, խոսել անպայման պետք է։Եթե մենք իրար հետ չխոսենք՝ այդ հարցերը չենք կարողանա լուծել։
-ԱՄՆ-ի դերակատարությունն այս պրոցեսում ինչպիսի՞ն կլինի։ Տպավորություն է, որ Վաշինգտոնն այս պրոցեսը միայն Ռուսաստանին թողնել չի ցանկանում։
-Անկասկած ԱՄՆ-ն այս պրոցեսից ձեռնպահ չի մնա, կունենա իր միջամտությունը։ Իսկ թե որքանով՝ չեմ կարող ասել։
-Ամեն դեպքում՝ գործընթացը միասին Ռուսաստանին չի թողնի։
-Հուսով եմ՝ ոչ։
-Ձեր ներկայացրած կառույցի հետ այս թեմայով քննարկում եղել են։
-Մենք այս թեմայով բազմիցս քննարկումներ ունեցել ենք և դեռ անպայման կունենանք։ Մեր կազմակերպությունում ուշադիր հետևում են գործընթացներին։
-Իսկ իշխանությունները Ձեզ հետ քննարկե՞լ են։
-Այդ հարցին հիմա պատրաստ չեմ պատասխանել։
1in.am
Հեղինակ՝ Մարիամ Գրիգորյան
Նմանատիպ Լուրեր
