ԻԻՀ Բանակի ռազմաօդային ուժերի հրամանատարը հանդիպել է հայ ժամկետային զինծառայողների հետ
Իրանի Իսլամական Հանրապետության բանակի ռազմաօդային ուժերի հրամանատար, բրիգադային գեներալ-օդաչու Ամիր Համիդ Վահեդին հայ ժամկետային զինծառայողների հետ հանդիպման ժամանակ շնորհավորելովվՀիսուս Քրիստոսի ծննդյան ու Նոր տարվա կապակցությամբ, ասել է. «Սիրելի՛ զինվորներ, նվիրված և հեղափոխական երիտասարդներ, դուք արդյունավետ և ազդեցիկ անդամ եք Իրանում, և երկրի ապագան ձեր ունակ և մոտիվացված ձեռքերում է»։
Ոգեկոչելով սուրբ պաշտպանության ութամյա և միաստված կրոնների նահատակներին՝ նա հավելել է, որ սրբազան պաշտպանության տարիներին հայ երիտասարդները, ինչպես և մյուս աստվածային կրոնների ներկայացուցիչները գնացել են կեղծիքի դեմ ճշմարտության պայքարի ճակատ՝ պաշտպանելու հողն ու պատիվը, քաջաբար կռվել և ընդունել են նահատակությունը, հավելելով. «Սա պատվի կնիքն է աստվածային կրոնների ճակատներին, որոնց արյունը հեղվել է կակաչների պես՝ ապացուցելու, որ Իրանը իրենց հողն ու հայրենիքն է, և ոչ մի օտարական չի կարող նրանցից խլել այս հողի ու ջրի մի մասնիկը»:
Բրիգադի գեներալ Ամիր Վահիդին հայտարարել է. «Այս երկիրը ձեր հողն է, և դուք Իրանի հպարտ պատմության մի մասն եք: Դուք հայ զինվորներ՝ մեզ համար արյունակից եղբայրներն ու զավակներն եք»։
parstoday.com/hy