Ռուսաստանն արհեստականորեն ճնշումներ գործադրելով Հայաստանի վրա՝ փորձում է արագ լուծել Ադրբեջանի հետ առկա խնդիրները․ Արմեն Վարդանյան
«Ռուսաստանն արհեստականորեն ճնշումներ գործադրելով Հայաստանի վրա՝ փորձում է արագ լուծել Հայաստանի ու Ադրբեջանի միջև առկա խնդիրները, ըստ իս՝ դրա տակ կոնկրետ նախագիծ կա, որը Ադրբեջանին Եվրասիական տնտեսական միություն մտցնելն է»,- Yerevanlur-ի հետ զրույցում հայտարարեց քաղաքագետ Արմեն Վարդանյանը՝ մեկնաբանելով Մարիա Զախարովայի՝ տրանսպորտային կապերի վերականգնման մասին հայտարարությունները։
Ըստ նրա՝ Ռուսաստանը Հայաստանին պարտադրում է արագորեն դեմարկացիա իրականացնել, ինչը ցույց է տալիս, որ փորձում է արվում երկու երկրների միջև բոլոր խնդիրները լուծել, դիվանագիտական հարաբերություններ հաստատել։
«Սրանով է պայմանավորված ռուսական շահագրգռությունը, երբ Զախարովան բոլոր ճեպազրույցներում նշում է դեմարկացիայի շուտափույթ իրականացման մասին։ Հայաստանի վրա լուրջ ճնշումներ կան, որը միջազգային իրավունքի լուրջ խախտում է, քանի որ ուժի սպառնալիքի տակ իրականացվող գործընթացներն անլեգալ են։ Դա, կարծես, Ռուսաստանին չի հետաքրքրում»,- նշեց քաղաքագետը՝ հավելելով, որ պատահական չէ նոյեմբերի 16-ին տեղի ունեցած սրացումների ժամանակ վարչապետի հայտարարությունը, թե երեք անգամ դրական են պատասխանել ռուսական՝ դեմարկացիա իրականացնելու առաջարկներին, իսկ այժմ գործնական քայլերից է խոսվում։
Քաղաքագետի խոսքով՝ Ռուսաստանը Հայաստանի իշխանության ներկայացուցիչների շուրթերով հայտարարեց, որ դեմարկացիա իրականացնելու համար պետք է հիմք ընդունել 1970-ականների քարտեզը, որը մեր շահերից չի բխում և հերթական անգամ ցույց է տալիս, որ Ադրբեջանին գոհացնելով փորձում են վերջին քմահաճույքներն իրականացնել։
Մարիամ Ասատրյան
Նմանատիպ Լուրեր
