Թեհրանի հայոց թեմի առաջնորդ Տ․ Սեպուհ Արք․ Սարգսյան. Սուրբ Մարիամը կամուրջ է կրոնների միջև
Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսյանն այսօր Սուրբ Մարիամի ապրելակերպի արդիականացման թեմայով «Կանանց սոցիալական վիլայաթի միջազգային համագումարի» 4-րդ նստաշրջանում ունեցած ելույթում ասել է «Իսլամը նաև հատուկ դիրք է վերապահել Սուրբ Մարիամին և այս կապակցությամբ բազմաթիվ հոդվածներ են տպագրվել»:
Շնորհավորելով Իրանի և աշխարհի քրիստոնյաներին՝ Նոր տարվա և Ս. Ծննդյան տոների կապակցությամբ՝ Սրբազան հայրը հավելել է «Գնահատելի է նման հանդիպումների և համագումարների անցկացումը, ինչը կարող է նպաստել կրոնների միջև երկխոսությանը և փոխգործակցությանը»։
«Կանանց սոցիալական վիլայաթի միջազգային համագումարը» կայացել է մշակութային հեղափոխության խորհրդի անդամ Հասան Ռահիմփուր Ազղադիի, Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսյանի, մտավորականների, քրիստոնյա, այդ թվում հայ և ասորի նահատակների ընտանիքների և երկրի մի խումբ պատախանատուների մասնակցությամբ:
parstoday.com/hy