Իրանի նախագահը կարևորում է հարևան երկրների հետ հարաբերությունների ընդլայնումը
ԻԻՀ նախագահ Սեյյեդ Էբրահիմ Ռայիսին, շաբաթ օրը արտերկրում Իրանի ներկայացուցչությունների ղեկավարների հետ հանդիպման ժամանակ, խոսելով հարևան երկրների մասին, ասել է.«Հաշվի առնելով Իրանի առկա կարողությունները՝ հնարավոր է ընդլայնել փոխանակումները հարևան երկրների հետ, և այս հարցում արտաքին գործերի նախարարության դերը շատ կարևոր է»։
Անդրադառնալով պատժամիջոցների չեզոքացման ու չեղարկման վերաբերյալ Իսլամական Հանրապետության երկու ռազմավարություններին, Իրանի Իսլամական Հանրապետության նախագահն ասել է.-«Ոմանք ասում էին, որ Իսլամական Հանրապետությունը չի բանակցի, իսկ ոմանք պնդում էին, որ Իրանը չի մասնակցի լուրջ բանակցություններին կամ չունի որևէ ծրագիր: Սակայն Իսլամական Հանրապետությունը արժանապատվորեն մասնակցեց բանակցություններին և ներկայացնելով իր առաջարկած տեքստն ապացուցեց, որ լուրջ է տրամադրված բանակցության հարցում»:
Իրանի նախագահն ընդգծել է.«Եթե մյուս կողմը վճռական լինի Իրանի նկատմամբ պատժամիջոցների չեղարկման հարցում, Իրանի Իսլամական Հանրապետությունը, անկասկած ձգտում է լավ համաձայնության»:
Նշելով,որ Իրանի Իսլամական Հանրապետությունը տարածաշրջանի երկրների բարին է կամենում, ասել է. «Իսլամական Հանրապետության հետ հարաբերությունների հաստատումը և տարբեր ոլորտներում Իրանի հետ փոխգործակցությունը կարող են նպաստել տարածաշրջանում անվտանգության հաստատմանը և խաղաղության տարածմանը»: