Իրանը և ԱՄՆ-ն փոխանակել են բանտարկյալներին՝ 6 մլրդ դոլարի գործարքի շրջանակներում
Իրանն ու ԱՄՆ-ն բանտարկյալների փոխանակում են կատարել, որի շրջանակներում 4 տղամարդ և 1 կին, որոնք բանտարկված էին Թեհրանում, վերադարձել են ԱՄՆ։ Վաշինգտոնն իր հերթին ազատ է արձակել ԱՄՆ-ում բանտարկված Իրանի 5 քաղաքացիների։ Այս մասին հաղորդում է «Արմենպրես»-ը՝ վկայակոչելով BBC-ի հրապարակումը։
Այս համաձայնության ձեռք բերման համար միջնորդ էր հանդիսացել Կատարը, որը բանակցություններ էր վարում կողմերի հետ 2022 թ․ փետրվարից։ Գործարքի շրջանակներում Հարավային Կորեայում ամերիկյան պատժամիջոցների պատճառով սառեցված իրանական միջոցները՝ ընդհանուր 6 միլիարդ դոլար, փոխանցվել են Դոհայում գտնվող բանկերին։
Իրանի կողմից ազատ արձակված 5 բանտարկյալները ԱՄՆ-ի և Իրանի երկքաղաքացիներ են։ Նրանց Դոհայում դիմավորել են ԱՄՆ բարձրաստիճան պաշտոնյաներ, և այժմ նրանք Վաշինգտոն մեկնելու ճանապարհին են։
Իսկ ԱՄՆ-ի կողմից ազատ արձակված ոչ բոլոր իրանցիներն են վերադառնալու հայրենիք։ Ինչպես ավելի վաղ հայտնել էր Իրանի ԱԳՆ խոսնակ Նասեր Քանաանին, Իրանի 2 քաղաքացի սեփական կամքով վերադառնում է հայրենիք, 1 իրանցի միանում է իր ընտանիքին երրորդ երկրում, իսկ 2-ը ցանկանում են մնալ ԱՄՆ-ում։
Իրանը բազմիցս հայտարարել է, որ ապասառեցված միջոցները կծախսի իր հայեցողությամբ։ Իսկ ԱՄՆ-ում հայտնել են, որ այդ միջոցները պետք է ծախսվեն միայն հումանիտար նպատակներով։
Նմանատիպ Լուրեր
Տեսնում ենք ՀՀ-ին ռազմական գործողությունների մեջ ներքաշելու և դրանք՝ դեպի մեր տարածք ընդլայնելու մտադրություն. Միրզոյան
ՀՀ ԱԳ նախարար Արարատ Միրզոյանը ելույթ է ունեցել ՄԱԿ-ի Գլխավոր ասամբլեայի 78-րդ նստաշրջանին:
Ուկրաինան ստանձնել է Ղրիմում Ռուսաստանի Սևծովյան նավատորմի շենքի վրա հրթիռային հարձակման պատասխանատվությունը
Ուկրաինան ստանձնել է Ղրիմում Ռուսաստանի Սևծովյան նավատորմի շենքի վրա այսօր իրականացված հրթիռային հարձակման պատասխանատվությունը։
Ադրբեջանի ռազմական գործողությունները հակասում են երկարաժամկետ խաղաղություն հաստատելու ջանքերին. Բլինքեն
ԱՄՆ պետքարտուղար Էնթոնի Բլինքենը Նյու Յորքում հանդիպել է լրագրողների հետ, ուր մի շարք հարցերի հետ մեկտեղ պատասխանել է Լեռնային Ղարաբաղի շուրջ թուրքական Anadolu գործակալության հարցին:
ՀՀ և Գերմանիայի ԱԳ նախարարների հանդիպման ժամանակ ընդգծվել է Լեռնային Ղարաբաղում ոճրագործության կանխման հրամայականը
Սեպտեմբերի 21-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Գերմանիայի ԱԳ նախարար Անալենա Բերբոքի հետ:
Ադրբեջանն ամբողջական պատասխանատվություն է կրում ԼՂ հայերի անվտանգության և իրավունքների նկատմամբ հարգանքի հարցում․ Բորել
«Եվրոպական միությունը ուշադիր հետևում էր վերջին զարգացումներին։ Թույլ տվեք սկսել խոսքս՝ ամբողջական համերաշխություն հայտնելով Լեռնային Ղարաբաղի հայերին, ովքեր ծանր դժվարությունների ժամանակաշրջանի են բախվել»։
Հռոմի պապը կոչ է արել դադարեցնել ռազմական գործողությունները Ղարաբաղում
Հռոմի Ֆրանցիսկոս պապը կոչ է արել դադարեցնել ռազմական գործողությունները Լեռնային Ղարաբաղում և խաղաղ լուծումներ փնտրել՝ ի շահ ժողովրդի։
