ԻԻ Ազատ համալսարանի դասախոս տկն. Քարմեն Ազարյանը ԻԳՄ- ում ներկայացրեց «Սասնա Ծռեր» Հայկական էպոսը:
Բանախոսը թեհրանահայ գրասերներին նախ ներկայացրեց ընդհանուր առմամբ ժողովրդական բանահյուսության առանձնահատկություններն ու անգնահատելի բարձր նշանակությունը, այնուհետև յուրովի անդրադարձ ունեցավ հայ ժողովրդի ամենածավալուն ստեղծագործությանը՝ «Սասնա Ծռեր» հերոսական էպոսին:
Ուրբաթ, հունիսի 7-ի երեկոյան Իրանահայ գրողների միության ամբիոնից ելույթ ունեցավ ԻԻ Ազատ համալսարանի Հայոց լեզվի և գրականության դասախոս Քարմեն Ազարյանը՝ «Սասնա Ծռեր» Հայկական Ժողովրդական էպոսը վերտառությամբ:
Բանախոսը թեհրանահայ գրասերներին նախ ներկայացրեց ընդհանուր առմամբ ժողովրդական բանահյուսության առանձնահատկություններն ու անգնահատելի բարձր նշանակությունը, այնուհետև յուրովի անդրադարձ ունեցավ հայ ժողովրդի ամենածավալուն ստեղծագործությանը՝ «Սասնա Ծռեր» հերոսական էպոսին: Համառոտ ակնարկ եղավ էպոսի՝ որպես հայ ժողովրդի, պայմանականորեն ընդունված, հազարամյա պատմամշակութային բացառիկ այդ կոթողի մեծ արժեքին՝ հայ պատմագիտության, գրականագիտության, լեզվի ուսումնասիրության, ազգագրագիտության, ... և ընդհանրապես հայագիտության համար:
Բանախոսության ավարտին հնչեցին հարցեր, որոնց ևս պատասխանեց տկն. Ք. Ազարյանը: Վերջում Միության նախագահ դոկտ. Սերժիկ Մարգարյանի միջոցով բանախոսին տրվեց շնորհակալագիր և հուշանվեր:
Նմանատիպ Լուրեր
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (13)
Ըստ երկրի սահմանադրության, խորհրդարանի հայ պատգամավորները հանդիսանում են համայնքի լիիրավ ներկայացուցիչները։ Բայց նրանք նաև օրենսդիր մարմինների ներկայացուցիչ են և ոչ թե գործադիր մարմնի , իսկ երկրորդ՝ «ազգային» կանոնադրության մեջ նրանց մասին չկա ոչ մի հոդված։
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (12)
Իրանի Իսլամական Հանրապետությունում կրոնական փոքրամասնություններ ներկայացնող համայնքների իրավական հիմք է հանդիսանում «Կրոնական փոքրամասնությունների վերաբերյալ օրենքը», որը փոքրամասնություններին տրամադրում է երկրի սահմանադրությունից բխող բավականին լայն իրավունքներ իրենց ներքին գործերի և կրոնական ինքնավարության բնագավառում։
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (11)
Իրանի երեք հայկական համայնքներն էլ՝ առաքելական, կաթոլիկ և ավետարանական, իրենց կրոնական և աշխարհիկ կառույցների միջոցով զգալի դեր են կատարել հայկական հոգևոր ու նյութական արժեքների ստեղծման ու պահպանման, ինչպես նաև համայնքային խնդիրների կարգավորման գործում։
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (10)
Ընդհանրապես Իրանում հայ կաթողիկե համայնքի գոյությունը դարերի պատմություն ունի։ Հայտնի է, որ դեռևս XIV դարի սկզբից տարբեր կրոնական միաբանությունների պատկանող կաթոլիկ միսիոներները քարոզչական գործունեություն էին ծավալել Պարսկահայք նահանգում։
Թեհրանում մի խումբ իրանահայ գործիչների մասնակցությամբ «Ի զորակցություն Արցախի» հանրահավաք է տեղի ունեցել․ Ալիևի ռեժիմի տմարդի քայլերը դատապարտող ելույթներ են հնչել, ընդունվել է բանաձև, որը փոխանցվելու է ՄԱԿ-ի գրասենյակին
ԻԻՀ մայրաքաղաք Թեհրանում գտնվող ՀՄՄ «Րաֆֆի» համալիրում երեկ՝ օգոստոսի 4-ին, ինչպես ավելի վաղ էինք հայտնել, նախատեսված էր հանրահավաք՝ ի զորակցություն Արցախի։
(2) ՊԱՐՍԿԱՀԱՅԵՐԻ 1828 Թ. ՎԵՐԱԲՆԱԿԵՑՈՒՄՐ ՌՈՒՍԱԿԱՆ ԻՇԽԱՆՈՒԹՅՈՒՆՆԵՐԻ ԿՈՂՄԻՑ
1828-1829 թթ. պարսկահայերի վերաբնակեցմանը վերաբերող գրականության մեջ, գրեթե բոլոր պատմաբանները, բացի Լեոյից, ներկայացրել են պարսկական եւ ռուսական շահերը, բացակայում է հայկական շահը:
