ՀԱՅԱԶԴ կայք
ՀԱՅԱԶԴ կայք
Հովհաննես Օհանյան իրանական կինոարվեստի հայազգի երախտավորը

Այս խառնակ ժամանակներում, երբ առավել քան կարեւորվում են ժողովուրդների միջեւ բարեկամական ու բարիդրացիական փոխշահավետ կապերը, երբեմն որոնում եւ գտնում ես անհատների, ովքեր հառնում են ժամանակների մշուշից եւ օտար երկրներում երբեւէ իրենց ծավալած գործունեությամբ ասես հուշում ապրողներիս՝ շարունակել ու անխաթար պահել երկուստեք շահեկան փոխհարաբերությունները, ամրացնել դրանք՝ հանուն վաղվա ու հանուն գալիք սերունդների: Իսկ այդպիսի անհատները, գոնե մեր պարագայում, հավատացեք, որ շատ են:

Ծնվել է Իրանի Մաշհադ քաղաքում՝ սուլթանհամիդյան զուլումի տարում՝ 1896 թվականին: Մանուկ հասակում ընտանիքով տեղափոխվել են Ռուսաստան: Ապագա արվեստագետը, չենթադրելով անգամ իր բուն առաքելության մասին, մեկնում է Տաշքենդ եւ ուսանում առեւտրային գործ Ուզբեկստանի մայրաքաղաքի կոմերցիոն քոլեջում: Այնուհետեւ նրան հրապուրում է իրավաբանությունը, որը յուրացնում է Աշխաբադում: Բայց ոչ առաջին, ոչ երկրորդ մասնագիտությունները չեն դառնում գործունեության ասպարեզ ու նպատակ: Որոշում եւ մեկնում է Մոսկվա ու մասնակցում կինոարվեստի դասընթացների: Համոզվում է, որ դա է իր աշխարհը՝ կինոն: 

Տարիների բացակայությունից հետո վերադառնում է Իրան եւ 1930-ին Թեհրանում հիմնում կինոդերասանի դպրոց: Նույն թվականին նկարահանում է իրանական առաջին լիամետրաժ «Աբին եւ Ռաբին» կինոնկարը: Ֆիլմն ստեղծելիս Հովհաննես Օհանյանը հանդես էր եկել որպես սցենարիստ, ռեժիսոր եւ դերասան: Իրանական անդրանիկ լիամետրաժը քննադատներն ու հանդիսատեսն ընդունում են խանդավառությամբ: Սակայն հայ ռեժիսորի այս ստեղծագործությանը երկար կյանք չէր վերապահված: Ֆիլմի միակ օրինակի թողարկվումից երկու տարի անց կրակի բաժին է դառնում եւ ոչնչանում ամբողջությամբ՝ Թեհրանի առաջին կինոթատրոններից մեկում բռնկված հրդեհի ժամանակ: Պահպանվածն ընդամենը լուսանկարներ են՝ վերցված կինոկադրերից:

1934 թ. Օհանյանը նախաձեռնում եւ նկարահանում է իր երկրորդ՝ «Հաջի աղան՝ կինոդերասան» կինոնկարը, որի սցենարիստը, ռեժիսորն ու պրոդյուսերը նորից ինքն էր: Ցավոք, այս ֆիլմը չի ընդունվում նախորդի նման, չի արձանագրում որոշակի հաջողություններ: Եվ դա պատճառ էր, որ հերթական անելիքների համար չստանար աջակցություն: Եվ որոշում է թողնել Իրանը, մեկնել Հնդկաստան: 1937 թ. Արեւմտյան Բենգալիա նահանգի մայրաքաղաք Կալկաթայում հիմնում է իր երկրորդ դերասանական դպրոցը՝ հուսալով, որ այստեղ կկարողանա շարունակել նախասիրած գործը: Սակայն ամեն ինչ այնքան էլ հեշտ չէր… Եվ ստիպված էր կրկին բռնել ետդարձի ճամփան՝ հուսալով, որ Թեհրանում կշարունակի կինոգործչի իր առաքելությունը: Սակայն այդ ասպարեզում աշխատելու նրա բոլոր ջանքերը՝ փայփայած հույսերի հետ, ի դերեւ են ելնում:

Յոթ լեզուների տիրապետող հայորդին, որ հեղինակ էր բազմաթիվ գրական ստեղծագործությունների՝ սցենարներ, թատերական դրամաներ, 61 տարեկան հասակում, կատարյալ թշվառության մեջ, վախճանվում է Թեհրանում՝ իր հավերժական կացարանը գտնելով այս քաղաքի հայկական գերեզմանատանը:

Ամեն դեպքում, անուրանալի է նրա ներդրումը իրանական կինոարվեստում թեկուզ այնքանով, որ հենց ինքն է մեր բարեկամ երկրի կինոմատոգրաֆիայի հիմնադիրն ու նրանց առաջին լիամետրաժ  ֆիլմի ստեղծողը:
Ուրեմն, հիշենք նաեւ այս անունը՝ Հովհաննես Օհանյան: Եվ կրկին հպարտանանք…
hhpress.am


ՀԱՅԱԶԴ կայք Նմանատիպ Լուրեր
թեհրան,իրանահայ-համայնք,ս․-մարիամ-աստվածածին-բարեգործական-կենտրոն,սմաբկ,հմհֆ,հայ-մշակութային-հասարակական-ֆորում,հայազդ-լրատվական-կայք,աշխարհատեսների-հայկական-կենտրոն,մարո-այվազյան,կարինե-ղուկասյան,սահակ-շահմուրադյան , ՀՄՀՖ-ի, Ս․ ՄԱԲԿ-ի և Թեհրանի Աշխարհատեսների Հայկական կենտրոնի ներկայացուցիչները քննարկել են համագործակցությունների զարգացման հեռանկարները
ՀՄՀՖ-ի, Ս․ ՄԱԲԿ-ի և Թեհրանի Աշխարհատեսների Հայկական կենտրոնի ներկայացուցիչները քննարկել են համագործակցությունների զարգացման հեռանկարները
Թվականիս դեկտեմբերի 16-ին Սրբ․ Մարիամ Աստվածածին Բարեգործական կենտրոնի և Հայ Մշակութային Հասարակական Ֆորումի հյուրն էր Թեհրանի Աշխարհատեսների Հայկական կենտրոնի վարչության ատենապետ՝ Տկն․ Մարո Այվազյանը։
հայ-մշակութային-և-հասարակական-ֆորում,ս․-մարիամ-աստվածածին-բարեգործական-կենտրոն,հմհֆ-ի-ներկայացուցիչներ,հմհֆ-ի-տնօրեն,կարինե-ղուկասյան,հայազդ-կայքի-խմբագիր,հայազդ,սահակ-շահմուրադյան,իրանահայ-թարգմանիչ,մշակութային-և-կրթական-գործիչ,հասարակական-գործիչ,նորայր-մեհրաբյան,հայ-գողգոթան,շուշի,գոմեշ , ՀՄՀՖ-ի ներկայացուցիչները և իրանահայ թարգմանիչ և հասարակական գործիչ Նորայր Մեհրաբյանը քննարկել են համագործակցության խթանման ուղղություններն ու հնարավորությունները
ՀՄՀՖ-ի ներկայացուցիչները և իրանահայ թարգմանիչ և հասարակական գործիչ Նորայր Մեհրաբյանը քննարկել են համագործակցության խթանման ուղղություններն ու հնարավորությունները
Հայ Մշակութային և Հասարակական Ֆորումի վարիչ տնօրենի և «Հայազդ» կայքի խմբագրության հրավերով թվականիս դեկտեմբերի 2-ին, Թեհրանի Ս․ Մարիամ Աստվածածին Բարեգործական կենտրոնում կայացավ իրանահայ վաստակավոր թարգմանիչ, հասարակական, մշակութային և կրթական գործիչ Նորայր Մեհրաբյանի հետ հանդիպումը։
իրանահայ,համայնքը.,պատմական,ակնարկ,(14) , ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (14)
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (14)
ՀԱՄԱՅՆՔԻ ԴՊՐՈՑՆԵՐԸ ԵՎ ԱՅԼ ԿՐԹԱԿԱՆ ՀԱՍՏԱՏՈՒԹՅՈՒՆՆԵՐԸ, ՄԻՈՒԹՅՈՒՆՆԵՐԸ և ՄՇԱԿՈՒԹԱՅԻՆ ՀԻՄՆԱՐԿՈՒԹՅՈՒՆՆԵՐԸ, ՄԱՄՈՒԼԸ ԵՎ ՏՊԱԳՐՈՒԹՅՈՒՆԸ
հայ-մարզամշակութային-րաֆֆի-համալիր,հմմ-րաֆֆի-համալիրի-մշակութային-բաժանմունք,գրքերի-պարսկերեն-թարգմանության-շնորհանդես,պարսկերեն-թարգմանության-հեղինակ,նորայր-մեհրաբյան,հայ-գողգոթան,շուշի,գոմեշ,գրիգորիս-պալաքյան,սերո-խանզադյան,հրանտ-մաթևոսյան,իիհ-ում-հհ-դեսպանության-խորհրդական,սերգեյ-գրգիգորյան,հյուպատոս-արթուր-սարգսյան,անդրանիկ-սիմոնյան,թեհրանի-հայոց-թեմի-թեմական-խորհրդի-ներկայացուցիչնե,մաշղ-հրատարակչության-ներկայացուցիչներ,իրանահայ-մարզամշակութային-միությունների-ներկայացու , ՀՄՄ Րաֆֆի համալիրում կայացել է «Հայ Գողգոթան», «Շուշի» և «Գոմեշ» գրքերի պարսկերեն թարգմանության շնորհանդեսը
ՀՄՄ Րաֆֆի համալիրում կայացել է «Հայ Գողգոթան», «Շուշի» և «Գոմեշ» գրքերի պարսկերեն թարգմանության շնորհանդեսը
Թվականիս նոյեմբերի 16-ին, Հայ մարզամշակութային Րաֆֆի համալիրի Մշակութային բաժանմունքի նախաձեռնությամբ տեղի ունեցավ երեք արժեքավոր գրքերի պարսկերեն թարգմանության շնորհանդեսը։
կլարա,աբքարի,պատմությունը.,իրանահայ,առաջին,մանրանկարչուհի , Կլարա Աբքարի պատմությունը. Իրանահայ առաջին մանրանկարչուհի
Կլարա Աբքարի պատմությունը. Իրանահայ առաջին մանրանկարչուհի
Կլարա Աբքարը 73 տարեկան էր, երբ իր տունը վերածեց արվեստանոցի՝ նկարչություն սովորեցնելու համար։ Երկու տարի անց Թեհրանի նախկին թագավորական Սաադ Աբադ պալատում բացվեց նրա աշխատանքների թանգարանը: Նա հայտնի է որպես առաջին իրանցի կին մանրանկարչուհի, սակայն կենդանության օրոք երբեք վաճառքի չի հանել իր ստեղծագործություններից ոչ մեկը:
իրանահայ,համայնքը.,պատմական,ակնարկ,(13) , ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (13)
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (13)
Ըստ երկրի սահմանադրության, խորհրդարանի հայ պատգամավորները հանդիսանում են համայնքի լիիրավ ներկայացուցիչները։ Բայց նրանք նաև օրենսդիր մարմինների ներկայացուցիչ են և ոչ թե գործադիր մարմնի , իսկ երկրորդ՝ «ազգային» կանոնադրության մեջ նրանց մասին չկա ոչ մի հոդված։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: