Թեհրանի հայ համայնքի ժամանակի հրամայականը
«Միասնության Դաշինք»-ի շուրջ համախմբված թեհրանահայ մտավորականները և ազգային հասարակական գործիչներն ու փորձագետները պլանավորված առաջարկով ընտրապայքարի ասպարեզ են իջել ցանկանալով մեր համայնքում ձևավորել մասնագիտացված կառույցներ։
Վերջերս Թեհրանի
հայ համայնքի ամենաշատ քննարկված թեմաներից մեկը, որը հասարակության ուշադրության առարկա է դարձել թերևս, ԹՀԹ 17-րդ շրջանի Պատգամավորական Ժողովի ընրություններին համայնքի
տարբեր հասարակական ուժերի թեկնածուների մասնակցության խնդիրն է, իսկ ավելի ճիշտ՝ մեր համայնքում վերջին մեկ տարվա ընթացքում ձևավորված «Միասնության Դաշինք»-ի կողմից ընտրություններին մասնակցելու կապակցությամբ
ներկայացված ծրագիրը: Այս առումով մեր համայնքում բավական աշխույժ պատկեր է տիրում։
«Միասնության Դաշինք»-ի շուրջ համախմբված իրանահայ մտավորականները, գործարարները,
ազգային հասարակական գործիչները, միութենական ներկայացուցիչները, էլիտան, ուսանողները,
արդյունաբերողները, ձեռնարկատերերը, մասնագետներն ու տարբեր ոլորտի փորձագետները հիմնականում համաձայության են հանգել մեր համայնքում հասարակական և մշակութային
բարեփոխումներ իրականացնելու գաղափարի շուրջ և «Միասնության Դաշինք»-ն իր ներկայացրած
արդիական և բարեկարգման բնույթի ծրագրով և գործունեությամբ կրում և կատարում է իր առաքելությունը, այն է՝ պաշտպանել իրանահայ համայնքի հասարակական, մշակութային, տնտեսական շահերն ու արդար իրավունքները։ Ո՞րն
է այս ամենի պատճառը։ Նման իրավիճակը հիմնականում պայմանավորված է մի քանի հանգամանքով.
Իրանահայ համայնքում հասարակական
կառավարման հարաբերությունները ծագում և ձևավորվում են թերևս անհատական ճաշակի և մոտեցումի սկզբունքով։
Իրանահայ և կոնկրետ թեհրանահայ իրականության մեջ, եթե մեկը միջնորդով է ընդունվում համայնքային կառավարող կառույցներում, սկսում է մտածել, որ իրեն պետք չէ օրենքներ իմանալ և տիրապետել ու ընդունել
ԹՀԹ կանոնադրությունը, քանզի գիտի, որ եթե հասարակության պահանջի և հաշվետվության
հետ խնդիրներ ունենա, անպատասխանատու միջնորդի
միջոցով կարող է համայնքային
կամ հասարակական խնդիրները հարթել, այսինքն՝ կփորձի խնդիրները լուծել կամ ինչ-որ պահանջմունքներ բավարարել
անձնավորված ճանապարհով, այլ ոչ թե Թեհրանի
հայոց թեմի կանոնագրության և օրենքի օգնությամբ:
Մյուս պատճառն էլ այն է, որ մենք չունենք համայնքի հասարակական և կրթական, մշակութային, տնտեսական, կալվածային և այլ խնդիրների լուծման համար մասնագիտացված ինիստիտուտներ
քանի, որ ի սկզբանե հենց մեր համայնքի համապտասխան կառույցներում
չեն ստեղծվել ժամանակի պահանջներին համապատասխան մասնագիտական աշխատանքային
խմբեր՝ որպես հասարակության շահերը
պաշտպանող կազմակերպություններ։
Խորը գիտակցելով մեր համայնքում նման
փորձագիտական և մասնագիտացված կառույցների
առկայության և ձևավորման անհրաժեշտությունը և լայնամասշտաբ ու բազմակողմանի
ուսումնասիրությունների արդյունքում «Միասնության Դաշինք»-ի շուրջ համախմբված թեհրանահայ մտավորականները և ազգային հասարակական
գործիչներն ու փորձագետները պլանավորված առաջարկով ընտրապայքարի ասպարեզ են իջել ցանկանալով
մեր համայնքում ձևավորել մասնագիտացված կառույցներ։
Կասկածից վեր է, որ մեր համայնքի մշակութային
միությունների և կրթական օջախների, բարեգործական միությունների
և սոցիալական սպասարկման կենտրոնների զարգացումն ու կայացումը խիստ անհրաժեշտ են, մանավանդ եթե հաշվի
առնենք հասարակություն
և համայնքային պատասխանատու մարմինների հարաբերություններում ներկայումս առկա բացը և կոպիտ ասած օրինականության բացակայությունը:
Այսօր, երբ «Միասնության Դաշինք»-ն գտնվում է իր կայացման փուլում, ի տարբերություն համայնքային այլ հասարակական ուժերի, բանաձևված և ուսումնասիրված հստակ ծրագրով ու նպատակային տեսլականի փաստաթղթով մասնակցում է ԹՀԹ 17-րդ շրջանի Պատգամավորական ժողովի ընտրություններին։
Անկասկած շատ բաներ համայնքային
պատասխանատու մարմինները թողնում են անձի կամայականության, անտարբերության
և անպատասխանատու մոտեցումների վրա, ինչը, անշուշտ, անընդունելի է մեր հասարակության կողմից:
«Միասնության Դաշինք»-ի շուրջ համախմբված իրանահայ էլիտան և նրան աջակցող
և հովանավորող հասարակությունը կարող են և պետք է ավելի լուրջ և կարևոր դերակատարություն ունենան մեր համայնքային իրականության մեջ: Դրանց դերն ու նշանակությունը հնարավոր է ուժեղացնել
միայն համապատասխան օրենսդրական փոփոխություններով, որպեսզի «Միասնության Դաշինք»-ը կարողանա պաշտպանել համայնքի ընդհանուր շահերն ու արդար իրավունքները:
«Միասնության
Դաշինք»-ը համոզված է, որ ընտրություններից հետո ձևավորվող
ԹՀԹ 17-րդ շրջանի Պատգամավորական ժողովը պարտավոր է ձեռնարկել համապատասխան
միջոցառումներ՝ հասարակության իրավագիտակցությունն ու տեղեկացվածությունը բարձրացնելու
ուղղությամբ՝ կերտելու հզոր, միասնական, արդիական ծրագրավորմամբ և վարչակառավարման
նոր հիմունքների վրա հիմնավորված կենսունակ և
իր անձնական իրավունքների, ազգային
և մշակութային արժեքների, հասարակական, կրոնական ու քաղաքացիական պարտավորությունների
նկատմամբ պատասխանատու հասարակություն:
<<Հայազդ>>
Խմբ.
Նմանատիպ Լուրեր
Արցախի կորուստը քաղաքական տհասության, գավառական մտածելակերպի, պետական կառավարման տապալման հետևանք է
ԱՀ տարածքային ու ենթակառուցվածքների նախկին նախարար Հայկ Խանումյանը ֆեյսբուքյան իր էջում գրել է․
Սիւնիքը Հայաստանի. Աշխարհաքաղաքական շահերու «հանգոյց»
10 Փաստ, որ պէտք է իմանաք Հայաստանի Սիւնիքի մարզի մասին, որպէսզի հասկնաք, թէ ինչու Ատրպէյճանն ու Թուրքիան ամէն ինչ կ'ընեն այս շրջանը գրաւելու համար։
Լեռնային Ղարաբաղի ճգնաժամը Արևմուտքին ստիպում է վերանայել Ադրբեջանի հետ հարաբերությունները. The Guardian
Բաքուն տարիներ շարունակ իրեն որպես անվտանգության հուսալի գործընկեր և կարևոր տրանսպորտային հանգույց ջատագովելուց հետո, առաջացրել է ԵՄ-ի և ԱՄՆ-ի զայրույթը, գրում է The Guardian-ը։
ՀՀ-ում ԱՄՆ դեսպանն այցելել է Եռաբլուր զինվորական պանթեոն
Այսօր ՀՀ-ում ԱՄՆ դեսպան Քրիստինա Քվինն իր հարգանքի տուրքը մատուցեց Հայաստանի և Ադրբեջանի միջև տասնամյակներ տևող հակամարտության ընթացքում իրենց կյանքը զոհածներին։
Նախագահ Բայդենն ինձ գործուղել է այստեղ՝ ընդգծելու ԱՄՆ-ի խորը նվիրվածությունը Հայաստանի սուվերենության, տարածքային ամբողջականության և ժողովրդավարության հանդեպ. Սամանթա Փաուեր
Վարչապետ Նիկոլ Փաշինյանն ընդունել է ԱՄՆ Միջազգային զարգացման գործակալության ղեկավար Սամանթա Փաուերի գլխավորած պատվիրակությանը, որի կազմում է եղել ԱՄՆ պետքարտուղարի օգնականի պաշտոնակատար Յուրի Քիմը:
Ռուսաստանի և Արևմուտքի փափուկ ուժը Հայաստանում
Ռուսաստանի վարկանիշի վրա ազդեցության առումով առավել մեծ խնդիր է ռուսաստանյան պետական և հասարակական կազմակերպությունների ու հիմնադրամների գործունեությունն ու գործելաոճը, որոնք գրավչության և արդյունավետության առումով զգալիորեն զիջում են արևմտյանին։
