Բանակցային գործընթացից դուրս են թողել Ղարաբաղը, դա ՀՀ-ում իշխանություն ստանալու գինն էր 1998 թվականին. վարչապետ
Երկխոսությունը մեզ դեռ չի հաջողվել, ես շատ ուրախ կլինեի, ու այդ ուղղությամբ բոլոր ջանքերը գործադրել ենք, բայց այն, որ թե՛ Հայաստանում, թե՛ Ղարաբաղում այդ գործընթացին խանգարողներ կլինեն, դա անակնկալ չէր, որովհետև ինչու են այդ մարդիկ բանակցային գործընթացից դուրս թողել Ղարաբաղը, որովհետև դա ՀՀ-ում իշխանություն ստանալու գինն էր 1998 թվականին։
«Քաղաքացիական պայմանագիր» խմբակցության պատգամավոր Լուսինե Բադալյանն այսօր Ազգային ժողովում՝ Կառավարության հետ հարցուպատասխանի ընթացքում, վարչապետ Նիկոլ Փաշինյանից հետաքրքրվեց՝ ինչո՞ւ է ընդդիմությունը այն քայլը, որով ՀՀ-ն ուզում է երկխոսության բերել Արցախին և Ստեփանակերտին, դիտարկում որպես «Արցախից ձեռքերը լվանալ» և հանրությանը հանում ընդդեմ իշխանության։
Վարչապետը, ի պատասխան, նշեց․ «Երկխոսությունը մեզ դեռ չի հաջողվել, ես շատ ուրախ կլինեի, ու այդ ուղղությամբ բոլոր ջանքերը գործադրել ենք, բայց այն, որ թե՛ Հայաստանում, թե՛ Ղարաբաղում այդ գործընթացին խանգարողներ կլինեն, դա անակնկալ չէր, որովհետև ինչու են այդ մարդիկ բանակցային գործընթացից դուրս թողել Ղարաբաղը, որովհետև դա ՀՀ-ում իշխանություն ստանալու գինն էր 1998 թվականին։ Դրանում ես ունեմ քաղաքական համոզմունք։ Այսօր հերթական սկանդալը եղավ, հետո հայտարարություն արեցին, որ չեն գալու հարցուպատասխանին։ Ինչո՞ւ չեք գալիս, սա է ամբիոնը, որ կարող եք բարձրացնել հարցերը, թաքցնելու խոսակցություն չէ։ Թող գան ապացուցեն, որ այս ամբիոնին կանգնած մարդը և մարդիկ թողնում են Արցախը»,- ասաց նա։
Ըստ նրա՝ ընդդիմությունը ամեն ինչ արել է՝ շիշ է շպրտել, միայն դեռևս չեն կրակել․ «Իրենց մոտ չի էլ ստացվի։ Եկեք խոսենք, եկեք ժողովրդի առջև կանգնենք խոսենք։ Իրենք ինձ հետ խոսելուց չեն միայն խուսափում, այլ նաև ժողովրդից, որովհետև ժողովուրդը գնալով հասկանում է, որ այս մարդիկ ջուր են ծեծում»։
Երկրի ղեկավարը կարևորեց, որ պատրաստ է թե՛ դռնփակ, թե՛ դռնբաց ռեժիմով հանդիպել ընդդիմության հետ և պատասխանել բոլոր հարցերին։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
