Հայ Մշակութային Հասարակական Ֆորումի վարչության փոխնախագահ Զարիկ Ավաոյանը և «Հայազդ» լրատվական կայքի խմբագիր Սահակ Շահմուրադյանն ընդունելով հուշարձանագետին, մտերմիկ զրույց ունեցան նրա հետ, որտեղ քննարկվեց հայկական հուշարձանների պահպանման և Իրանի հայկական պատմական հուշակոթողներն ու վանքային համալիրները հանրության ծանոթացնելու և համատեղ հրատարակչական աշխատանքներ տանելու հնարավորությունը։

Հանդիպմանը Շահեն Հովսեփյանը հետաքրքիր տեղեկություններ փոխանցեց Հայաստանում Հայկական ճարտարապետությունն ուսումնասիրող հիմնադրամի կողմից հայկական պատմական հուշակոթողների ուսումնասիրության վերաբերյալ տարած աշատանքների մասին։ Նա նաև նշեց որ հետազոտական աշխատախմբով մի քանի անգամ այցելել է Վրաստան, ապա Ղրիմ և ուսումնասիրել և լուսանկարել է Վրաստանում և Ղրիմում գտնվող հայկական վանքերն ու պատմական կոթողները, որի վերաբերյալ նաև իր ուսումնասիրությունների արդնունքները հրապարկելու է մասնագիտական կայքերում։

Հանդիպման ընթացքում նաև խորհրդակցության եղավ հետագային փոխադարձ մշակութային  և մասնագիտական հոդվածների հրատարակման և տարբեր մշակութային  ոլորտում համագործակցության և մասնագետների փոխայցելություններ կազմակերպելու հարցերի շուրջ։   

 

Հուշարձանագետ Շահեն Հովսեփյանը «Հայազդ» կայքի խմբագրությանը նվիրեց Հայկական ճարտարապետությունն ուսումնասիրող հիմնադրամի վարչական հարցերի և հրատարակությունների գծով փոխտնօրեն` Րաֆֆի Քորթոշյանի հեղինակած «Արտակ Մանուկյան թանգարանի հայկական ձերագրերի» հավաքածու գրքի պարսեկերեն թարգմանությունը։ Գրքի պարսկերեն թարգմանությունը կատարել է Շահեն Հովսեփյանը։