Էրդողանը նախագահական ընտրությունների առաջին փուլում չի հաղթահարում ընդդիմության թեկնածուի արգելքը
Թուրքիայի գործող նախագահ Ռեջեփ Թայիփ Էրդողանը մայիսի 14-ի նախագահական ընտրություններում նախնական տվյալներով չի կարողացել հաղթահարել ընտրական 50 տոկոսի շեմը։
Ինչպես Ստամբուլից հաղորդում է «Արմենպրես»-ի թղթակիցը, թուրքական Cumhuriyet պարբերականի տվյալներով՝ ձայների 94,04 տոկոսի հաշվարկի տվյալներով Էրդողանը ստացել է քվեների 49,83 տոկոսը(24 588 314 ձայն), ինչը ենթադրում է, որ մայիսի 28-ին տեղի կունենա նախագահի ընտրությունների երկրորդ փուլ։
Նրա գլխավոր մրցակից Քեմալ Քըլըչդարօղլուն ստացել է ձայների 44,40 տոկոսը (21911 658ձայն)։
Ընդ որում, Էրդողանը Քըլըչդարօղլուին պարտվել է այնպիսի խոշոր քաղաքներում, ինչպիսիք են Ստամբուլը, Անկարան, Իզմիրը, Անթալիան, ինչպես նաև երկրի արևելյան՝ քրդաբնակ շրջաններում՝ Վանում, Դիարբեքիրում, Կարսում, Իգդիրում, Մուշում և այլն։
Էրդողանի գլխավորած Ժողովրդական դաշինքը հավաքել է 50,32 տոկոս ձայն, իսկ Քըլըչդարօղլուի ղեկավարած Ազգային դաշինքը՝ 34,65 տոկոս։
Այս պահին Ստամբուլի կենտրոնական որոշ հատվածներում նկատվում է ոստիկանական ուժերի կենտրոնացում։ Թեպետ նախապես ակնկալվում էր, որ ընտրությունների նախնական արդյունքների հրապարակումից հետո կարող են լինել ցույցեր և բախումներ, սակայն այս պահի դրությամբ իրադրությունը հանգիստ է։
Ակնկալվում է, որ շուտով Էրդողանը հանդես կգա ելույթով՝ դիմելով իր ընտրազանգվածին, որը հավաքվել է Ստամբուլի Ուսքյուդար թաղամասի իր տան մոտ։
Արաքս Կասյան
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
