Վրաստանի նախագահը Ռուսաստանի կողմից այցագրային ռեժիմի վերացումը սադրանք է անվանել
: Վրաստանի նախագահ Սալոմե Զուրաբիշվիլին հանդես է եկել այն պնդմամբ, թե Վրաստանի քաղաքացիների համար այցագրային ռեժիմը չեղարկելու և հանրապետության հետ ավիահաղորդակցության արգելքը վերացնելու Ռուսաստանի որոշումն անընդունելի է։
«Արմենպրես»-ի փոխանցմամբ՝ այդ մասին Զուրաբիշվիլին գրել է Twitter-ի իր էջում:
«Ռուսաստանի հերթական սադրանքը: Վրաստանի հետ ուղիղ ավիահաղորդակցության վերականգնումը և այցագրային ռեժիմի վերացումն անընդունելի են, քանի դեռ Ռուսաստանը շարունակում է ագրեսիան Ուկրաինայում և օկուպացնում է մեր տարածքները», - գրել է Զուրաբիշվիլին ։
Ինչպես ավելի վաղ հայտնել էր «Արմենպրես»-ը, Ռուսաստանի նախագահ Վլադիմիր Պուտինն այսօր ավելի վաղ ստորագրել է հրամանագիր մայիսի 15-ից Վրաստանի քաղաքացիների համար այցագրային ռեժիմի վերացման մասին։
ՌԴ նախագահը մեկ այլ հրամանագրով չեղարկել է Վրաստան Ռուսաստանի ավիաընկերությունների թռիչքների և դեպի Վրաստան զբոսաշրջային փաթեթների վաճառքի արգելքը, որը գործում էր 2019 թվականից։
Վրաստանի հետ այցագրային ռեժիմը 2000 թվականին սահմանվել է Ռուսաստանի իշխանությունների որոշմամբ: Ընդ որում, Վրաստանը ռուսաստանցիների համար այցագրերը չեղարկել է 2012 թվականից։ Վրաստանի օրենսդրության համաձայն՝ Ռուսաստանի քաղաքացիները կարող են երկիր այցելել առանց այցագրերի և հանրապետությունում մնալ մինչև մեկ տարի։ Երկու երկրների միջև դիվանագիտական հարաբերությունները Թբիլիսին խզել է 2008 թվականին՝ Ռուսաստանի կողմից Աբխազիայի և Հարավային Օսիայի ճանաչումից հետո:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
