Հեռու եմ այն մտքից, որ ՌԴ-ն անուժ է և չի կարող կարգի հրավիրել Ադրբեջանին․ ՌԴ-ի շահերն Ադրբեջանի հետ հատվում են․ իրավագետ
Իրավագետ Արտաշես Խալաթյանը կարծում է, որ ԱՄՆ-ում ՀՀ-ի և Ադրբեջանի ԱԳ նախարարների հանդիպումը կարևոր նշանակություն ունի ՌԴ-ից Արցախի հարցի մենաշնորհը վերցնելու համար։
Արտաշես Խալաթյանի հետ «Հայկական ժամանակ»-ի հարցազրույցը՝ ստորև․
- Պարոն Խալաթյան, վերջերս հայտնի դարձավ, որ փոխվել է Արցախում տեղակայված ռուս խաղաղապահների հրամանատարը։ Սրան նախորդել էր ադրբեջանական անցակետի տեղադրումը, ինչից հետո էլ ադրբեջանական կեղծ էկոակտիվիստներն ավարտեցին ակցիան։ Պայմանավորո՞ւմ եք արդյոք զորախմբի հրամանատարի փոփոխությունն անցակետի տեղադրման հետ:
- Չեմ կարծում՝ ինչ-որ առնչություն ունի, հարցը քաղաքական է։ Չպետք է սին հույսեր փայփայենք, որ զորախմբի հրամանատարը կարող է քաղաքական բնույթի հարցեր լուծել։ Նա տեղում կատարում է ռազմաքաղաքական բարձրագույն ղեկավարության հրամանները։
Կրկնում եմ՝ կեղծ նարատիվ է այն, թե զորախմբի նախկին հրամանատարը չկարողացավ տեղում ճիշտ բանակցել ադրբեջանական կողմի հետ անցակետի տեղադրման հարցում, դրա պատճառով ՌԴ ղեկավարությունը դժգոհ է և հրամանատարին այդ պատճառով փոխեցին։ Դա արդար թագավորի ու անազնիվ ենթականների կեղծ պնդում է, թե ՌԴ իշխանություններն ունեն պրոհայկական ուղղվածություն կամ միտված են Արցախում իրենց պարտականությունները կատարելուն, սակայն հրամանատարները կոռումպացված են։ Նման բան գոյություն չունի։ Այս ամենը լռելյայն հաստատման արդյունք է. ՌԴ ղեկավարությունը չի միջամտում ու անտարբեր է Արցախում տեղի ունեցողի հանդեպ։
- Այնուամենայնիվ, առհասարակ որևէ սպասելիք պե՞տք է ունենալ նոր հրամանատարից։
- Որևէ սպասելիք չպետք է ունենալ, քանի որ խնդիրը բարձր մակարդակում է։ Հրամանատարը կաշկանդված է այլ որոշումներով, որոնք իջեցվում են վերևից։ Իսկ էթնիկ զտման քաղաքականությունն Արցախում կշարունակվի՞, թե՞ ոչ, կարող են ասել միայն Կրեմլից և Բաքվից: Այդ քաղաքականությունն իրականացնում է Ադրբեջանը՝ ոտնահարելով Եռակողմ հայտարարությունը, խախտելով ռուսակենտրոն հետպատերազմյա անվտանգային ճարտարապետությունը։ Ես հեռու եմ այն մտքից, որ ՌԴ-ն անուժ է և չի կարող կարգի հրավիրել Ադրբեջանին։ ՌԴ-ի շահերն այսօր Ադրբեջանի հետ հատվում են՝ հաշվի առնելով նրա կախվածությունը Թուրքիայից և Ադրբեջանից։
- Անցակետի հետ կապված Ադրբեջանը նոր տեսանյութ է դրել շրջանառության մեջ, որտեղ արցախցիներն անցնում են այդ անցակետով։ Ադրբեջանական այս բեմականացումից անդին, ինչ եք կարծում՝ արցախցիները արդյոք պե՞տք է օգտվեն այդ անցակետից, թե՞ ոչ՝ դրանով իսկ ցույց տալով, որ այն օրինական չէ։
- Միանշանակ պետք է չօգտվեն, որովհետև միջազգային իրավունքում կա լռելյայն համաձայնություն հասկացությունը, որից հետևում է, որ եթե դու իրականացնում ես որոշակի գործողություն, տվյալ պարագայում՝ անցակետից օգտվելը, ապա ընդունում ես քո վիճարկած հարցի հետ կապված տվյալ մոտեցումը կամ Եռակողմ հայտարարության բովանդակության փոփոխությունը։ Արցախը՝ որպես էթնիկ համույթ, իր գործողություններով պետք է ցույց տա, որ իրեն երաշխիքներ են պետք։ Որքան էլ դժվար լինի, պետք է հրաժարվեն օգտվել անցակետից և փորձեն այնպես անել, որ այն ապամոնտաժվի։
Նվազագույն հարցերն արդեն ՀՀ-ն իր դիվանագիտությամբ լուծել է. Միրզոյանը հայտարարել է՝ Լաչինի հարցի վերաբանակցում չի լինելու, դրանով ստացվում է, որ Ռուսաստանում կայանալիք առաջիկա հանդիպումը ձևականություն է։ Մենք սահմանել ենք մեր կարմիր գիծը։ Կարևոր է նաև, որ շրջադարձային քայլեր անենք ռազմաքաղաքական ոլորտում, ավելացնենք ուժային բաղադրիչը։
- Անդրադառնանք նաև բանակցությունների ընթացքին. ի՞նչ ակնկալիքներ կարելի՞ է ունենալ ՀՀ-ի և Ադրբեջանի ԱԳ նախարարների այսօրվա հանդիպումից:
- Կարծում եմ՝ ԱՄՆ-ի բանակցությունը կարևոր նշանակություն կունենա ՌԴ-ից Արցախի մենաշնորհը վերցնելու և հարցին միջազգային կարգավորում տալու համար։ Մենք պետք է Արևմուտքի հետ հստակ խոսենք, այդ թվում՝ ռազմական շրջադարձերի մասին։
Եթե Ադրբեջանը Լաչինը չապաշրջափակի, ապա ՀՀ-ի և Ադրբեջանի խաղաղության համաձայնագիրն առաջ չի գնա, ԱՄՆ-ն նույնպես դա գիտակցում է։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
