ԵԱՏՄ երկրների հետ Հայաստանի առևտրաշրջանառությունը նախորդ տարի ավելացել է շուրջ 93 տոկոսով
ԵԱՏՄ երկրների հետ Հայաստանի Հանրապետության առևտրաշրջանառությունը 2022 թվականին կազմել է շուրջ 5,3 մլրդ դոլարին համարժեք գումար, ինչը նախորդ տարվա համեմատ ավելի է շուրջ 93 տոկոսով:
«Արմենպրես»-ի հաղորդմամբ՝ այս մասին նշված է «Հայաստանի Հանրապետության կառավարության ծրագրի (2021-2026 թթ.) 2022 թվականի կատարման ընթացքի եւ արդյունքների մասին» զեկույցում:
Զեկույցում նշվում է, որ ՀՀ-ն շարունակել է իր ակտիվ ներգրավվածությունը Եվրասիական տնտեսական միությունում ընթացող գործընթացներում: 2022 թվականին տեղի է ունեցել Եվրասիական տնտեսական բարձրագույն խորհրդի 2 նիստ, որոնց ընթացքում ընդունվել է 26 որոշում և 5 կարգադրություն՝ ուղղված ԵԱՏՄ շրջանակներում ինտեգրման զարգացմանը և առևտրատնտեսական հարաբերությունների զարգացմանը:
2022 թվականի հոկտեմբերի 20-21-ը Երևանում կայացել է Եվրասիական միջկառավարական խորհրդի նիստը՝ ԵԱՏՄ անդամ երկրների կառավարությունների ղեկավարների մասնակցությամբ: 2022 թվականին կայացած Եվրասիական միջկառավարական նիստերի շրջանակներում ՀՀ վարչապետ Նիկոլ Փաշինյանը երկկողմ հանդիպումներ է ունեցել Ղազախստանի նախագահ Կասիմ-Ժոմարտ Տոկաևի և Բելառուսի Հանրապետության վարչապետ Ռոման Գոլովչենկոյի հետ:
2022 թվականի ընթացքում մասնավորապես հաստատվել է «ԵԱՏՄ տարածքում արտադրանքը որպես օրգանական ճանաչելու ընթացակարգի մասին» համաձայնագիրը, որը հայ ֆերմերների համար հնարավորություն կընձեռի ստանալու օրգանական արտադրանքի վկայական և անարգել արտահանելու օրգանական գյուղմթերքը ԵԱՏՄ ընդհանուր շուկա:
«ԵԱՏՄ շրջանակներում արդյունաբերական կոոպերացիայի ֆինանսավորման աղբյուրների և մեխանիզմի մասին» որոշմամբ հնարավորություն է ընձեռվել սուբսիդավորելու արդյունաբերության ոլորտում կոոպերացիոն նախագծերի իրականացման նպատակով ստացվելիք վարկերի և փոխառությունների տոկոսադրույքները՝ ամբողջությամբ:
«Քաղաքացիական ավիաշինություն» նոր տեխնոլոգիական հարթակը հնարավորություն է ընձեռում զարգացնելու անօդաչու թռչող սարքերի ոլորտում ունեցած հայկական մշակումները՝ ապահովելով նաև դրանց հնարավոր կոմերցիոն կիրառումը կոոպերացիոն ծրագրերի շրջանակներում:
«ԵԱՏՄ անդամ պետություններում քաղաքացիական ավիաշինության ոլորտում արդյունաբերական համագործակցության ընդլայնման 2022-2023 թվականների միջոցառումների ծրագրի (ճանապարհային քարտեզի) մասին» որոշմամբ հնարավորություն է ընձեռվում ՀՀ ավիացիոն ոլորտի ընկերություններին ներգրավվելու կոոպերացիոն շղթայի մեջ՝ ավիացիոն պահեստամասերի արտադրության և հավաքման գործարանների տեղայնացման միջոցով:
Պարենային անվտանգության և տնտեսության կայունացման ապահովման նպատակով «Եվրասիական տնտեսական միության միասնական մաքսասակագնային կարգավորման մասին» որոշմամբ ՀՀ-ն ստացել է սակագնային արտոնություններ մի շարք ապրանքատեսակների մասով:
«Առանձին գյուղատնտեսական ապրանքների 2022-2023 թթ. պահանջարկի և առաջարկի համատեղ ինդիկատիվ հավասարակշիռների մասին» որոշմամբ ՀՀ-ի համար երաշխավորվել է ռազմավարական կարևորություն ունեցող պարենի ներմուծումը ՌԴ-ից և ԵԱՏՄ այլ երկրներից՝ պարենային անվտանգությունը լիարժեք ապահովելու նպատակով:
«Վերամշակում՝ մաքսային տարածքից դուրս» մաքսային ընթացակարգի կիրառմամբ ՀՀ տարածքից երրորդ երկրներ արտահանվող և ՀՀ տարածք երրորդ երկրներից ներմուծվող թանկարժեք մետաղների և թանկարժեք մետաղներով պատված մետաղների նկատմամբ քվոտա սահմանելու մասին» որոշմամբ ՀՀ-ի համար նախատեսվել է ոչ սակագնային քվոտա:
ՀՀ-ի նախաձեռնությամբ որոշում է կայացվել ներմուծվող ավտոմեքենաների համապատասխանության գնահատման և տիպի հաստատման սերտիֆիկատների ժամկետների երկարացում և հեշտացված կարգով տիպի հաստատման ընթացակարգի կիրառում, որը հնարավորություն է տալիս օտարերկրյա մեքենա արտադրող ընկերությունների հայաստանյան պաշտոնական ներկայացուցչություններին առանց որևէ խոչընդոտի շարունակելու իրենց գործունեությունը։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
