ԵԱՏՄ-ն մտադիր է ակտիվացնել Հնդկաստանի հետ բանակցություններն ազատ առևտրի համաձայնագրի շուրջ
Եվրասիական տնտեսական միությունը (ԵԱՏՄ) մտադիր է ակտիվացնել բանակցությունները Հնդկաստանի հետ՝ ազատ առևտրի գոտու ստեղծման համաձայնագրի կնքման շուրջ:
Նման հայտարարություն է արել ՌԴ փոխվարչապետ, արդյունաբերության և առևտրի նախարարության ղեկավար Դենիս Մանտուրովը Ռուսաստանի և Հնդկաստանի գործարար շրջանակների հանդիպման ժամանակ: Այդ մասին «Արմենպրես»-ը տեղեկանում է ТАСС գործակալությունից:
«Մենք առանձնահատուկ նշանակություն ենք տալիս մեր երկրների շուկաներում արտադրանքի փոխադարձ հասանելիության հարցերին: Եվրասիական տնտեսական հանձնաժողովի հետ մենք ակնկալում ենք ակտիվացնել բանակցությունները Հնդկաստանի հետ՝ ազատ առևտրի համաձայնագրի կնքման շուրջ», - ասել է նա։
Բացի դրանից, Մանտուրովի խոսքով, մշակվում է ներդրումների խթանման ու ներդրումների փոխադարձ պաշտպանության մասին ռուս-հնդկական համաձայնագրի ստորագրման հարցը։ Փոխվարչապետն ընդգծել է, որ երկրների միջև առևտրի և արդյունաբերական համագործակցության բարելավումը կարող է երաշխավորել փոխադարձ հաշվարկների շարունակականության ապահովումը։
«Միջկառավարական երկխոսության շրջանակներում մենք առաջարկում ենք դիտարկել ազգային արժույթների և բարեկամ երկրների արժույթների լայն կիրառման հնարավորությունը: Դա հրատապ է ներկա պայմաններում և թույլ է տալիս նվազագույնի հասցնել ծախսերն ու արժութային ռիսկերը», - հայտարարել է Մանտուրովը։
2021 թվականի դեկտեմբերին Հնդկաստանը և ԵԱՏՄ-ն ավարտեցին նախնական փորձագիտական խորհրդատվությունները ազատ առևտրի գոտու ձևավորման վերաբերյալ՝ պայմանավորվելով համաձայնագրի կնքման շուրջ բանակցություններն սկսել 2022 թվականի սկզբին։ ԵԱՏՄ-ի կազմում են Հայաստանը, Բելառուսը, Ղազախստանը, Ղրղզստանը և Ռուսաստանը։
Մանտուրովն ընդգծել է, որ Հնդկաստանը կարող է դառնալ առանցքային գործընկերներից մեկը «Հյուսիս-Հարավ» միջազգային փոխադրամիջանցքի զարգացման շրջանակներում:
«Նաև կարևոր ենք համարում ուղիղ ավիահաղորդակցության ընդլայնումը. դա անհրաժեշտ պայման է գործարար պատվիրակությունների կանոնավոր և անկարգել փոխանակման, փոխադարձ զբոսաշրջային հոսքի ընդլայնման համար», - հավելել է նա:
Նմանատիպ Լուրեր
ՀՀ ԱԳ փոխնախարարն անդրադարձել է տնտեսական աճի բարձր տեմպերին
Դեկտեմբերի 15-ին ՀՀ ԱԳ նախարարի տեղակալ Պարույր Հովհաննիսյանը մասնակցել է Սևծովյան տնտեսական համագործակցության կազմակերպության (ՍԾՏՀԿ) անդամ պետությունների ԱԳ նախարարների խորհրդի (ԱԳՆԽ) առցանց 47-րդ հանդիպմանը։
Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Կառավարությունն իր դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը:
Թուրքական լիրան հասել է պատմական նվազագույնի
Երկուշաբթի թուրքական լիրայի նկատմամբ դոլարի փոխարժեքը պատմության մեջ առաջին անգամ գերազանցել է 29 լիրան՝ 1 դոլարի դիմաց։ Այս մասին են վկայում TradingView տերմինալի առևտրի տվյալները։
ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
Հայաստանի ազգային ժողովը վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև՝ մաքսային հարցերով համագործակցության և փոխադարձ օգնության մասին» համաձայնագիրը:
Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենական պետության բնական ռեսուրսների բազան հնարավորություն է տալիս շահագրգիռ երկրներին և տարածաշրջաններին լիովին ապահովել էներգետիկ ռեսուրսներով։
ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
Հայաստանի Հանրապետության սննդի անվտանգության տեսչական մարմնի իրականացրած սահմանային վերահսկողության արդյունքում նոյեմբերի 24-28-ը լաբորատոր անհամապատասխանության հիմքով, արգելվել է ՀՀ ներմուծել վտանգավոր սննդամթերք:
