Իրանի և Սաուդյան Արաբիայի արտաքին գործերի նախարարները կհանդիպեն առաջիկա երկու օրերի ընթացքում
Իրանի և Սաուդյան Արաբիայի արտաքին քաղաքական գերատեսչությունների ղեկավարների հանդիպումը պլանավորվում է անցկացնել առաջիկա երկու օրերի ընթացքում։
Ինչպես հաղորդում է «Արմենպրես»-ը, այս մասին հայտնել է Al Jazeera հեռուստաալիքը՝ հղում անելով Իրանի արտաքին գործերի նախարար Հոսեյն Էմիր Աբդոլահիանին։
Իրանի արտաքին գործերի նախարարը նշել է, որ այս պահին ընթանում են վերջնական քննարկումները բանակցությունների վայրի և ժամկետների շուրջ։ Սաուդյան Արաբիայի արտաքին գործերի նախարարությունն այս տեղեկությունը դեռևս չի մեկնաբանել։
Ինչպես մարտի 23-ին հաղորդել էր Սաուդյան Արաբիայի տպագիր գործակալությունը, Իրանի և Սաուդյան Արաբիայի արտաքին գործերի նախարարները պայմանավորվել են հանդիպել մոտակա ժամանակահատվածում, իսկ Իրանի արտաքին գործերի նախարարն ավելի վաղ հայտարարել էր, որ պատրաստվում է Սաուդյան Արաբիայի իր գործընկերոջ հետ հանդիպել չեզոք տարածքում։ Նա նշել էր, որ Թեհրանը Էր Ռիադին կառաջարկի երեք երկիր, որոնք կարող են կազմակերպել հանդիպումը։
Սաուդյան Արաբիան և Իրանը մարտի 10-ին պայմանավորվել էին վերականգնել դիվանագիտական հարաբերությունները և վերսկսել դեսպանատների աշխատանքը երկու ամսվա ընթացքում։ Երկու երկրների ներկայացուցիչները մի քանի օր բանակցություններ էին վարել Պեկինում, որոնց արդյունքներով հրապարակվել էր եռակողմ հայտարարություն այն մասին, որ Իրանն ու Սաուդյան Արաբիան կվերականգնեն դիվանագիտական հարաբերությունները։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
