Թատրոնի ծագումն ու առաջին դերասանը
Այդ զարգացումը տեղի ունեցավ ավելի ուշ՝ մ.թ.ա. 6-րդ դարում, երբ բռնակալ Պիսիստրատոսը, որն այն ժամանակ կառավարում էր քաղաքը, հիմնեց մի շարք նոր հանրային տոներ։ Դրանցից մեկը՝ «Դիոնիսոս քաղաք», զվարճանքի փառատոնն էր, որն անցկացվում է ի պատիվ Դիոնիսոս աստծու։ Փառատոնը ներառում էր երաժշտության, երգի, պարի և պոեզիայի մրցույթներ։ Ասում են, որ բոլոր հաղթողներից ամենաուշագրավը մի թափառական բանաստեղծ էր՝ Թեսփիս անունով։
Ավանդույթի համաձայն՝ մ.թ.ա. 535 կամ 534 թթ․ Թեսփիսը ապշեցնում է հանդիսատեսին։ Նա ցատկում է փայտե սայլի վրա և դրամատիկ կերպով պոեզիա արտասանում։ Այդպես նա դառնում է աշխարհի առաջին դերասանը և համաշխարհային առաջին ողբերգակը։
Առաջին պիեսներն ունեին ընդամենը մեկ դերասան (կոչվում էր գլխավոր հերոս) և երգչախումբ, որ օգնում էր դերասանին պատմել պատմությունը: Ք.ա. 5-րդ դարի ընթացքում, սակայն, դրամատուրգները սկսեցին նորարարություններ մտցնել։
Դրամատուրգ Էսքիլեսը ավելացրեց երկրորդ խոսող կերպարին, որը կոչվում էր հակառակորդ, և երգչախումբը կրճատեց 50-ից 12-ի: Նրա «Պարսիկները» պիեսը, որն առաջին անգամ բեմադրվել է մ.թ.ա. 472-ին, ամենահին հունական պիեսն է: Նրա աշակերտը՝ Սոֆոկլեսը, ավելացրեց երրորդ դերասանին, իսկ Եվրիպիդեսը ավելացրեց և՛ նախաբանը՝ ներկայացնելով պիեսի թեման, և՛ deus ex machina կոնցեպտը (անսպասելի ուժ կամ իրադարձություն, որը փրկում է անհուսալի թվացող իրավիճակը, հատկապես հորինված սյուժեներում`պիեսում կամ վեպում), որ ավարտին էր հասցնում բոլոր անավարտ գործերը:
Հարուստ քաղաքացիները հովանավորում էին պիեսները՝ վճարելով հարկ, որը կոչվում էր «խորեգիա»: Եվ ճիշտ այնպես, ինչպես բռնակալ Պիսիստրատոսը, ստեղծեց փառատոնը ժողովրդավար երևալու համար, այս հարուստ հովանավորներից շատերն էլ հերթին հույս ունեին, որ իրենց հովանավորած պիեսի հաջողությունըճանապարհ կհարթի դեպի քաղաքականություն:
Առաջին պիեսները բեմադրվել են Դիոնիսոսի թատրոնում, որը կառուցվել է Աթենքի Ակրոպոլիսի մոտ 5-րդ դարի սկզբին, սակայն թատրոնները շուտով այնքան հայտնի դարձան, որ տարածվեցին ողջ Հունաստանում։
Դրամայի երեք ժանրերն էին կատակերգությունը, սատիրան և ամենակարևորը՝ ողբերգությունը։
Կատակերգություն. Առաջին կատակերգությունները հիմնականում երգիծական էին: Կատակերգության առաջին վարպետը դրամատուրգ Արիստոֆանեսն էր։ Շատ ավելի ուշ Մենանդերը գրեց կատակերգություններ հասարակ մարդկանց մասին։
Ողբերգություն. Ողբերգությունը վերաբերում էր սիրո, կորստի, հպարտության, իշխանության չարաշահման, մարդկանց ու աստվածների ծանր հարաբերություններին: Սովորաբար ողբերգության գլխավոր հերոսը ինչ-որ սարսափելի հանցագործություն է կատարում՝ չհասկանալով, թե որքան հիմար և ամբարտավան է եղել: Հետո, երբ նա գիտակցում է իր սխալը, աշխարհը քանդվում է նրա շուրջը: Ողբերգության երեք խոշոր դրամատուրգներն էին Էսքիլեսը, Սոֆոկլեսը և Եվրիպիդեսը։ Արիստոտելը պնդում էր, որ ողբերգությունը մաքրում է սիրտը խղճահարության և սարսափի միջոցով՝ հասկացնելով, որ տառապանքի մեջ կարող է լինել ազնվականություն: Նա այս փորձառությունն անվանեց «կատարսիս»:
Սատիրա․ Այս կարճ պիեսները ներկայացվել են ողբերգության գործողությունների միջև և ծաղրել ողբերգության հերոսների ծանր վիճակը: Սատիրաները առասպելական կերպարներ էին։ Պահպանվելեն այս պիեսների մի քանի օրինակներ: Որոշ հեղինակների կողմից դրանք դասակարգվում են որպես տրագիկոմիկ կամ կատակերգական դրամաներ։
Արմինե Մուրադյան
Աղբյուր՝ oragir.news
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։