Ռուսաստանը մարտավարական միջուկային զենք կտեղակայի Բելառուսում. Պուտին
Նախագահի խոսքով՝ նման քայլի համար առիթ է հանդիսացել Մեծ Բրիտանիայի հայտարարությունը՝ Ուկրաինային սպառված ուրանով զինամթերք մատակարարելու մասին: Միևնույն ժամանակ, Պուտինը նշել է, որ Բելառուսը վաղուց խնդրել է իր տարածքում ռուսական միջուկային զենք տեղակայել:
«Սրա մեջ ոչ մի արտառոց բան չկա։ «Միացյալ Նահանգները դա անում է տասնամյակներ շարունակ: Նրանք վաղուց տեղադրել են իրենց մարտավարական միջուկային զենքերը իրենց դաշնակից երկրների՝ ՆԱՏՕ-ի երկրների տարածքներում, Եվրոպայում: Վեց տարածքում՝ Գերմանիայի Դաշնային Հանրապետությունում, Թուրքիայում, Նիդեռլանդներում, Բելգիայում, Իտալիայում և Հունաստանում, լավ, Հունաստանում չէ, բայց կա պահեստարան»,- ասել է ՌԴ նախագահը։
Նա հավելել է, որ արդեն պայմանավորվել են Բելառուսի նախագահի հետ, որ նույն կերպ են վարվելու:
«Մենք արդեն օգնել ենք մեր բելառուս գործընկերներին վերազինել իրենց ինքնաթիռները։ 10 ինքնաթիռ պատրաստ է օգտագործել այս տեսակի զենք։ Մենք արդեն տեղափոխել ենք մեր հայտնի, շատ արդյունավետ «Իսկանդեր» համալիրը Բելառուս, այն կարող է նաև փոխադրող լինելմարտավարական միջուկային զենքի: Ապրիլի 3-ից մենք կսկսենք անձնակազմի վերապատրաստումը, իսկ հուլիսի 1-ին ավարտում ենք Բելառուսի տարածքում մարտավարական միջուկային զենքի հատուկ պահեստարանի կառուցումը»,- ասել է պետության ղեկավարը։
Ավելի վաղ Բելառուսի նախագահ Ալեքսանդր Լուկաշենկոն, ի պատասխան Ուկրաինային սպառված ուրանով պարկուճներ մատակարարելու Մեծ Բրիտանիայի ծրագրերին, հայտարարել էր, որ Ռուսաստանը Բելառուսին «իրական ուրանով զինամթերք կմատակարարի»։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։