Համերգասրահ, ֆուտբոլի ազգային ստադիոն, սպայական համալսարան․ վարչապետը ներկայացրեց ակադեմիական քաղաքի նախագիծը
Նիկոլ Փաշինյանը որոշ մանրամասներ ներկայացրեց ակադեմիական քաղաքի նախագծից, որը նախատեսվում է կառուցել Աշտարակ համայնքի միջնամասում։ Ինչպես տեղեկացնում է «Արմենպրես»-ը, «Ֆեյսբուք»-ի իր էջում Փաշինյանը տեսանյութ է հրապարակել այդ տարածքից և նշել, որ ակադեմիական քաղաքը բաղկացած կլինի երեք հատվածից՝ արվեստի, տեխնոլոգիաների և սպայական։
«Հիշեցնեմ, որ ակադեմիական քաղաքի այդ նախագիծը պետք է սկսի «Հայ ֆիլմ»-ի տարածքից, որտեղ կտեղակայվի արվեստների կլաստերները, արվեստների ավագ դպրոցով և արվեստների համալսարանով։ Կունենանք ժամանակակից համերգասրահ։ Ընդգծեմ, որ համերգասրահը կլինի ոչ միայն համերգասրահ, այլ դահլիճ նախատեսված և կինոդիտումների, և օպերայի, և թատրոնի համար, այսպես ասած՝ ունիվերսալ բեմ կունենանք։ Եվ նաև «Հայ ֆիլմ»-ի ստուդիաները, պավիլիոնները կօգտագործվեն ուսանողների համար, իսկ արվեստների համալսարանը կներառի իր մեջ գրականությունը, երաժշտությունը, թատրոնը և կինոն, տեխնոլոգիաներն էլ՝ բոլոր հնարավոր տեխնոլոգիաները, իսկ սպայական հատվածը՝ սպայական բոլոր մասնագիտությունները ավագ դպրոցով և համալսարանով»,- ասաց Փաշինյանը։
Նրա խոսքով՝ մտադրությունն այն է, որ այդ երեք հատվածը իրար կապող տրանսպորտային միջոցը կլինի տրամվայը, որը, ըստ վարչապետի, մշակույթ ձևավորելու շատ կարևոր հատկանիշ կլինի։
Վարչապետը հավելեց նաև, որ եթե մասնագետները տեխնիկատնտեսական և ճարտարապետական հաշվարկները հաստատեն, հենց այս հատվածում կկառուցվի նաև ֆուտբոլի ազգային ստադիոնը։
«Այո, սա է մեր արձագանքը, մեր ունեցած բոլոր մարտահրավերներին, որովհետև ես հավատում եմ, որ Հայաստանի ապագան կրթությունն է, Հայաստանի ապագան տեխնոլոգիաներն են, գիտությունն է, Հայաստանի ապագան արվեստն է և մշակույթը»,- եզրափակեց Փաշինյանը։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
