Զորավարի նորահայտ դիմանկարը
Զորավար Անդրանիկի այս նկարը 1919 թվականին պատկերագրել է բուլղարացի գեղանկարիչ Դմիտր Ռադոյկովը (1879-1940 թթ.)։
Վերջերս Մշակույթի հայկական ֆոնդում պատեհություն ունեցա մասնակցելու «Ծիր-կաթին» գիտամշակութային կենտրոնի ցերեկույթին։ Ուշադրությունս գրավեց գրասեղանին դրված մեր պանծալի Զորավար Անդրանիկի շրջանակված նկարը։ Փոքրիշատե ծանոթ լինելով Անդրանիկ Օզանյանի լուսանկարներին եւ գեղանկարիչների ստեղծագործական պատկերումներին՝ սույն նկարը, գոնե ինձ համար, պարզապես նորություն էր: Եվ երբ նկարի դարձերեսին փակցված նամակն ընթերցեցի, պարզվեց, որ այն Բուլղարիայից ֆոնդին է ընծայել մեր հայրենակից Թորգոմ Տյուլկերյանը։
Ահավասիկ նամակի բովանդակությունը՝ մասնակի խմբագրական միջամտությամբ.
«Մշակույթի հայկական ֆոնդի ղեկավար, բանաստեղծ, նկարիչ Արեւշատ Ավագյանին
Զորավար Անդրանիկի այս նկարը 1919 թվականին պատկերագրել է բուլղարացի գեղանկարիչ Դմիտր Ռադոյկովը (1879-1940 թթ.)։ Ձեզ եմ նվիրում յուղաներկ դիմանկարի գունավոր վերատպությունը՝ ի նշան Հայրենիքի եւ Մշակույթի հայկական ֆոնդի հանդեպ իմ մեծ սիրո։ Դիմանկարի բնօրինակը (օրիգինալը) ժամանակին ձեռք է բերել Ռուսեի մեր հայրենակից Մկրտիչ Հարությունյանը, որը Անդրանիկ Օզանյանի ձիավոր հարյուրյակի հրամանատար Արամ Թությանի թոռն է։ Իմ՝ Թորգոմ Տյուլկերյանի նախաձեռնությամբ եւ աջակցությամբ, նկարի սեփականատերը այն նվիրեց Զորավար Անդրանիկի տուն-թանգարանին (Գալաթա, Վառնա)։
Ահավասիկ նամակի բովանդակությունը՝ մասնակի խմբագրական միջամտությամբ.
«Մշակույթի հայկական ֆոնդի ղեկավար, բանաստեղծ, նկարիչ Արեւշատ Ավագյանին
Զորավար Անդրանիկի այս նկարը 1919 թվականին պատկերագրել է բուլղարացի գեղանկարիչ Դմիտր Ռադոյկովը (1879-1940 թթ.)։ Ձեզ եմ նվիրում յուղաներկ դիմանկարի գունավոր վերատպությունը՝ ի նշան Հայրենիքի եւ Մշակույթի հայկական ֆոնդի հանդեպ իմ մեծ սիրո։ Դիմանկարի բնօրինակը (օրիգինալը) ժամանակին ձեռք է բերել Ռուսեի մեր հայրենակից Մկրտիչ Հարությունյանը, որը Անդրանիկ Օզանյանի ձիավոր հարյուրյակի հրամանատար Արամ Թությանի թոռն է։ Իմ՝ Թորգոմ Տյուլկերյանի նախաձեռնությամբ եւ աջակցությամբ, նկարի սեփականատերը այն նվիրեց Զորավար Անդրանիկի տուն-թանգարանին (Գալաթա, Վառնա)։
Զորավար Անդրանիկի այս նկարը նունպես թող հավերժ հիշատակեցնե ու վառ պահե մեր քաջ հերոսի անմահ հիշատակը եւ ներշնչանքի աղբյուր դառնա ապագա սերունդներու համար։
Սիրով՝ Թորգոմ Տյուլկերյան
25. 02 . 2019 թ., Վառնա, Բուլղարիա»։
Փոքրիկ դիտարկում. ինձ ուրախացնում ու միաժամանակ զարմացնում է այն իրողությունը, որ բուլղար գեղանկարչին հաջողվել է ըմբոստ, անհանգիստ բնավորություն ունեցող Զորավարին համոզել՝ նկարվելու համար ժամերով կեցվածք ընդունել… Հարգանք ու պատիվ թե՛ գեղանկարչին, թե՛ երախտավորներ Մկրտիչ Հարությունյանին եւ Թորգոմ Տյուլկերյանին, քանզի նրանց շնորհիվ մենք հարստացանք հայ ժողովրդի սիրված զավակի եւս մեկ նկարով։ Իսկ նկարից արծվենի հայացքով մեզ է նայում ժողովրդական հերոսը, հայրենյաց ու ազգի պաշտպան մեր վաստակաբեռ, քաջահմուտ զորական այրը՝ գեներալ Անդրանիկը։
Սերժ ՄԱՆՈՒԿՅԱՆ
Աղբյուր՝ hpress.am
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։
