Կարևոր է, որ քննարկվող գաղափարները միայն թղթի վրա չմնան ու կյանքի կոչվեն. «Ապագա հայկականը» համաժողովի փորձագետ
Քաղաքագետ, տնտեսագետ, «Ապագա հայկականը» համաժողովի փորձագետ Հրանտ Միքայելյանը կարծում է, որ համաժողովի ընթացքում որոշակի գաղափարներ են մշակվում, որոնք պետք է ավելի կայուն մասնագիտական հենքի վրա դրվեն:
Նման կարծիք Միքայելյանը հայտնեց համաժողովի շրջանակներում «Արմենպրես»-ի թղթակցի հետ զրույցում:
Նա նշեց, որ համաժողովը պետք է գոնե մասնակիորեն դառնա պետական քաղաքականության մաս, որպեսզի քննարկվող գաղափարները հետագայում միայն թղթի վրա չմնան, այլ կյանքի կոչվեն: Նաև պետք է մեթոդաբանությունը ավելի հստակ լինի, այդ թվում նաև՝ մարդկանց ընտրության և ձևաչափի:
Ըստ նրա՝ սա լավ ձևաչափ է, բայց միշտ կարելի է կատարելագործել և անընդհատ ուսումնասիրել, թե այն ինչպե՞ս կարելի է ավելի արդյունավետ դարձնել:
Միքայելյանն ընդգծեց, որ որոշել է միանալ «Ապագա հայկականը» նախաձեռնությանը, քանի որ ինքն անձամբ վերջին 15 տարիներին անընդհատ մտածել է Հայաստանի ապագայի մասին:
«Այստեղ ես կարողանում եմ իմ կուտակած մտքերով կիսվել և լսել ուրիշների մտքերը: Իմ կարծիքով՝ սա 30 տարի ուշացած, բայց՝ շատ լավ նախաձեռնություն է»,-ասաց փորձագետը:
Մասնագետը նկատեց՝ ստեղծվում է մի հարթակ, որտեղ մարդիկ կարող են միասնական աշխատել, միասնական մտածել և հարցերի լուծում գտնել.
«Մենք չպետք է ակնկալենք, որ 1, 10 կամ 50 հանդիպումով հարցերը կլուծվեն: Պետք է կարողանանք ընդհանուր ուղղություններ մշակելու ձևաչափ գտնել»:
«Ապագա հայկականը» համաժողովի մասնակից տնտեսագետ, գործարար Ակսել Թևոսյանը նշեց, որ նախաձեռնությանը հետևում է ստեղծման օրվանից:
«Նախաձեռնությունը հետաքրքիր է և որոշեցի որպես մտահոգ հայ մասնակցել: Դեռևս հասցրել ենք մեկ հարց քննարկել՝ Ցեղասպանության ճանաչման պատմական պատասխանատվությունը: Ըստ իս՝ այսօր բարձրացված բոլոր հարցերի հիմնաքարը մեկն է՝ ինչպես անել, որպեսզի հայերը անհատներից դառնան ազգ, համախմբված ու ուժեղ հանրություն: Եթե այդ հարցը լուծվի, իմ կարծիքով, կլուծվեն մնացած բոլոր հարցերը»,- ասաց Թևոսյանը:
Նա ընդգծեց, որ քննարկումներն ու մտքերը շատ հետաքրքիր են, որոնք կյանքի կոչվելու դեպքում նույնիսկ կարող են շատ արդյունավետ լինել:
«Միակ մտահոգությունս նրանում է, որ այս ամենը միայն զրույցների և քննարկումների մակարդակում չմնան, ամփոփվելուց հետո կյանքի կոչվեն և սկսեն տալ իրական արդյունքներ, որից, իհարկե, կշահի ամբողջ հայությունը»,- եզրափակեց նա:
Աղբյուր՝ civic.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
