Մենք չենք պատրաստվում հայ-ադրբեջանական կողմերին հակադրել ինչ-որ միջնորդություններ, դա նրանց ընտրությունն է․ Նեդ Փրայս
ԱՄՆ պետդեպի խոսնակ Նեդ Փրայսն անդրադարձել է Լաչինի միջանցքում Ադրբեջանի վերջին դիվերսիոն գործողություններին, որի հետևանքով 3 ոստիկան է սպանվել, ևս մեկը ծանր վիրավորում ստացել:
«Մենք հետևում ենք Լեռնային Ղարաբաղի ներսում տեղի ունեցած կրակոցների մասին տեղեկություններին, որի հետևանքով 3 մարդ է սպանվել։
Ցավակցում ենք տուժածների ընտանիքներին։ Հակամարտությունը չի կարող ունենալ ռազմական լուծում, և վեճերը լուծելու նպատակով ուժի գործադրումը երբևէ ընդունելի չէ։ Խաղաղության հասնելու միակ ճանապարհը բանակցությունների սեղանն է։ Կովկասի հարցերով ավագ խորհրդական Լուի Բոնոն տարածաշրջանում է, որպեսզի ընդգծի, որ ԱՄՆ-ը հանձնառու է Հայաստան-Ադրբեջան խաղաղ բանակցություններին։
Մեզ համար հստակ է, որ ուղիղ երկխոսությունն ու քննարկումը կողմերի միջև բացարձակ անհրաժեշտություն է։ Սա առաջին հերթին պարտադիր է հենց կողմերի համար։ Մենք պատրաստ ենք երկկողմ, եռակողմ և բազմակողմ աջակցություն ցուցաբերել՝ շարունակելով գործընկերոջ դեր ունենալ տևական խաղաղության հաստատման ջանքերում։
Չենք պատրաստվում կողմերին հակադրել ինչ-որ միջնորդություններ, կողմերն իրենք պիտի որոշեն։ Մենք, փաստացի, միջնորդ էլ չենք, այլ գործընկեր ենք երկու երկրների համար և գործով ենք ցույց տվել, որ կարող ենք մոտեցնել երկու երկրներին»,- ասել է Փրայսը՝ հավելելով, որ ԱՄՆ-ը հաստատում է պատրաստակամությունը՝ հավելյալ առաջընթաց արձանագրել Հայաստանի և Ադրբեջանի հարաբերություններում։
«Մենք սա չենք անում որպես միջոց Մոսկվայի հետ մրցելու համար, այլ անում ենք երկու երկրների հարատև կոնֆլիկտը հանգուցալուծելու նպատակով։ Մեզ այստեղ հետաքրքրում է միայն խաղաղությունը և անվտանգությունը, որը նաև Հայաստանի ու Ադրբեջանի ժողովուրդների շահերից է բխում»,- ասել է նա։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
