Հունաստանում գնացքների վթարը 32 մարդու կյանք է խլել
Հունաստանի Լարիսա քաղաքի մոտ մարդատար գնացքի և բեռնատար գնացքի բախման զոհերի թիվը հասել է 32-ի, տուժել է 85 մարդ:
Հունաստանի Լարիսա քաղաքի մոտ մարդատար գնացքի և բեռնատար գնացքի բախման զոհերի թիվը հասել է 32-ի, տուժել է 85 մարդ, ՏԱՍՍ-ի փոխանցմամբ՝ ERT NEWS լրատվական հեռուստաալիքի եթերում հայտարարել է հրշեջ ծառայության պաշտոնական ներկայացուցիչ Վասիլիս Վատրակոյանիսը։
«Ներկայումս հայտնաբերվել է 29 զոհ և 85 վիրավոր»,-հեռուստաալիքը մեջբերում է Վատրակոյանիսի խոսքերը։ «Վթարի վայրում աշխատում է 150 հրշեջ, 40 շտապօգնության մեքենա և 32 ոստիկան՝ 15 պարեկային մեքենաներով»,-ասել էր նա։
270 ուղևոր, որոնք բժշկական օգնության կարիք չեն ունեցել, տարհանվել են ողբերգության վայրից և ավտոբուսով ուղարկվել Սալոնիկ։ Հեռուստաալիքի հետ զրույցում ականատեսներից ոմանք պատմել են, որ գնացքների բախման ազդեցությունը շատ ուժեղ է եղել, մի քանի վագոն անմիջապես հրդեհվել է։ «Շուրջն ամեն ինչ այրվել էր, մենք դուրս եկանք կոտրված պատուհաններով, հայտնվեցինք ձորում, շուրջբոլորը ծխով էր պատված, պարզ չէր, թե ուր պետք է գնանք»,- պատմել է ողջ մնացած ուղեւորներից մեկը։
Հրշեջները հայտնում են, որ բախվող գնացքների առաջին վագոններն ամբողջությամբ ջարդվել են, անիվի հարվածից և վագոնների ծածկույթի մի մասը շպրտվել է երկաթուղային գծից մինչև 100 մ հեռավորության վրա։ Երկու գնացքներն էլ, որոնք շարժվում էին հանդիպակաց ուղղությամբ անհայտ պատճառով հայտնվել են նույն գծի վրա։
Չորեքշաբթի օրը Hellenic Train-ի պաշտոնական հաղորդագրության մեջ ասվում է, որ «Աթենքից դեպի Սալոնիկ երկու գնացքների՝ բեռնատար գնացքի և IC 62 գնացքի ճակատային բախում տեղի է ունեցել Էվանգելիզմոս շրջանում»: «Բախման պահին գնացքում եղել է մոտ 350 ուղևոր: Դեպքի վայր են ժամանել հրշեջները և Hellenic Train-ի աշխատակիցները, որոնք մասնակցել են փրկարարական աշխատանքներին և օգնել ճանապարհորդներին»,- ասվում է հաղորդագրության մեջ։
Աղբյուր՝ armradio.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
