ՀԱՅԱԶԴ կայք
ՀԱՅԱԶԴ կայք
Բերձորի միջանցքում ցանկացած առաքելություն տեղակայելու հարցում անհրաժեշտ է լինելու Ադրբեջանի համաձայնությունը. քաղաքագետը՝ ՄԱԿ խաղաղապահ առաքելություն տեղակայելու մասին

Civic.am-ի զրուցակիցն է քաղաքագետ Ռոբերտ Ղևոնդյանը:

- Պարոն Ղևոնդյան, Հայաստանի վարչապետ Նիկոլ Փաշինյանն ու ՄԱԿ-ի գլխավոր քարտուղար Անտոնիո Գուտերեշը քննարկել են Լաչինի միջանցք ՄԱԿ փաստահավաք խաղաղապահ առաքելություն ուղարկելու հարցը։ Այս առաքելության տեղակայման համար անհրաժե՞շտ է Ադրբեջանի համաձայնությունը:

- Բերձորի միջանցքում ցանկացած առաքելություն տեղակայելու հարցում անհրաժեշտ է լինելու Ադրբեջանի համաձայնությունը, բայց դա չի նշանակում, որ այդ համաձայնությունը ստանալ հնարավոր չէ: Այս փուլում Հայաստանի համար շահավետ կլիներ, որ այս հարցը, տարածաշրջանային և աշխարհաքաղաքական փոփոխությունների տրամաբանությունը հաշվի առնելով, բանակցությունների ընթացքում քննարկվող հարցերից մեկը դառնար: Սակայն այդ հարցի դրական լուծումը դեռ շատ հեռու է կանխատեսելի լինելու համար:

- ՄԱԿ-ի խաղաղապահների տեղակայումը հնարավոր է իրականացնել միայն ռուս խաղաղապահների ժամկետի ավարտից հետո՞, թե՞ համատեղ հնարավոր է իրականացնել այդ առաքելությունը:

- ՄԱԿ խաղաղապահ առաքելությունը տեսականորեն հնարավոր է նաև համատեղել ռուսական խաղաղապահ առաքելության հետ, սակայն, ինչպես նշեցի, դրա համար անհրաժեշտ են առաջին հերթին աշխարհաքաղաքական փոփոխություններ: Նկատի առնելով Արևմուտք-Ռուսաստան հարաբերությունների ներկա վիճակը՝ համատեղ ռազմական ներկայությունը և պատասխանատվություն ստանձնելը կարող է բերել փոխադարձ սադրանքների և անկայունացման, ինչը չի բխում Հայաստանի շահերից: Մյուս կողմից՝ եթե Ուկրաինայում հնարավոր լինի ինչ-որ համաձայնության գալ, ապա ապագայում կարելի է դիտարկել նաև համատեղ խաղաղապահության իրականացումը:  

- ՄԱԿ փաստահավաք խաղաղապահ առաքելությունը զինվա՞ծ է լինելու, թե՞ ոչ, և արդյոք բավարա՞ր է այդ ներկայացվածությունը Ադրբեջանի սադրանքները զսպելու համար: Ի՞նչ գործառույթներ են իրականացնելու: 

- Քանի որ ՄԱԿ փաստահավաք խաղաղապահների առաքելության տեղակայումը դեռևս միայն մեկ քննարկման առարկա է դարձել, անորոշ են ինչպես դրա գործառութային, այնպես էլ ժամանակային և նպատակային չափորոշիչները: Սա նշանակում է, որ ընդհանրապես այս գաղափարի իրականացումն էլ կարող է տեղի չունենալ: Ինչպես արդեն նշեցի, այս փուլում գաղափարի քննարկման ներմուծումը հայ-ադրբեջանական բանակցությունների գործընթացի տիրույթ ինքնին կարող է լինել շահավետ Հայաստանի համար՝ անկախ դրա վերջնարդյունքից:

- Առաջիկայում Բրյուսելում ակնկալվում են Փաշինյան-Ալիև բանակցություններ։ Ի՞նչ սպասենք այս բանակցություններից:

- Բրյուսելում Փաշինյան-Ալիև հանդիպումը, ինչպես և նախորդները, չի լինի հանգուցային, աչքի չի ընկնի առանցքային հարցերի շուրջ վերջնական պայմանավորվածություններով, քանի որ գործընթացը շարունակական է, իսկ կողմերի պահանջները հակոտնյա են: Լավագույն արդյունքը կլինի հերթական հանդիպման միջոցով լարվածության թուլացումը, իսկ կողմերը կփորձեն տարբեր հարցերի շուրջ իրենց մոտեցումները դարձնել բանակցային առարկա, ինչպես, օրինակ, այսպես կոչված՝ «Զանգեզուրի միջանցքը» կամ «Արցախի հայերի հարցը որպես Ադրբեջանի ներքին խնդիր դիտարկելը»՝ Ադրբեջանի դեպքում, կամ նույն՝ Բերձորի միջանցքում ՄԱԿ փաստահավաք խաղաղապահ առաքելության տեղակայումը՝ Հայաստանի դեպքում: 

Նարա Մարտիրոսյան


ՀԱՅԱԶԴ կայք Նմանատիպ Լուրեր
ռուսաստանի,դիրքորոշման,լույսն,ստվերը.,եվրադիտորդների,երկակի,նշանակությունը,եվրադիտորդներ , Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
պուտինի,ակնարկը,բլինքենի,զանգը , Պուտինի ակնարկը եւ Բլինքենի զանգը
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
ինչո՞ւ,թուրքիայի,արտգործնախարարը,մեկնել,բաքու , Ինչո՞ւ էր Թուրքիայի արտգործնախարարը մեկնել Բաքու»
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
արևմուտք,եվրոպա,եմ,եվրոպայի-միություն,եվրոպայի-սահմաններ,կովկասյան-տարածաշրջան,հայաստան,վրաստան,վրաստանին-եմ-թեկնածուի-կարգավիճակ-շնորհելու-որոշու,հայ-վրացական-հարաբերություններ,ժողովրդավարություն,վրաստանաբնակ-միջազգայնագետ6,գեորգի-թումասյան , Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
հնդկաստանը,խառնում,քաշմիրի,կոնֆլիկտի,խաղաքարտերը.,ի՞նչ,պետք,իմանալ,հնդկաստան , Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
կանադայի,հայտարարությունը,չպետք,է,անարձագանք,թողել.,շահան,գանտահարյան , Կանադայի հայտարարությունը չպետք է անարձագանք թողել. Շահան Գանտահարյան
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: