Հալեպի «Քառասուն նահատակների» հայկական եկեղեցին երկրաշարժից վնասվել է
Երկուշաբթի վաղ առավոտյան Թուրքիայում և Սիրիայում տեղի ունեցած հզոր երկրաշարժի հետևանքով Հալեպի «Քառասուն նահատակների» հայկական եկեղեցին փոքր-ինչ վնասվել է, հայտնում է «Գանձասար» ամսագիրը։
Ավելի քան 1000 մարդու կյանք խլած հզոր երկրաշարժից հետո Թուրքիայի հարավում և Սիրիայի հյուսիսում փրկարարական գործողություններ են իրականացվում:
7,8 մագնիտուդով երկրաշարժը տեղի է ունեցել Գազիանթեփի մերձակայքում երկուշաբթի վաղ առավոտյան, երբ մարդիկ քնած են եղել։
7,5 մագնիտուդով նոր ցնցում է տեղի ունեցել տեղական ժամանակով 13:30-ի սահմաններում (10:30 GMT):
Թուրքիայի նախագահ Էրդողանը հայտարարել է, որ միայն Թուրքիայում առաջին երկրաշարժից հետո 912 մարդ է զոհվել, ավելի քան 5300-ը վիրավորվել են։
Սիրիայի իշխանությունները հայտնում են ավելի քան 370 զոհերի մասին։
Երկրաշարժի հետևանքով երկու ազգությամբ հայ է զոհվել։
Աղբյուր՝ armradio.am
Նմանատիպ Լուրեր
ՀՀ Անվտանգության խորհրդի քարտուղարն Իրանում է
ՀՀ անվտանգության խորհրդի քարտուղար Արմեն Գրիգորյանն Իրանի Իսլամական Հանրապետությունում է։
Ժամանակն է վճռականորեն հայտարարել, որ Հայաստանի սահմանները սուրբ են. Օլանդ
Հայաստանից հրաժարվելը դաժան խայտառակություն կլինի Ֆրանսիայի համար, իսկ Եվրոպայի համար՝ խայտառակ ուրացում։ Այս մասին հայտարարել է Ֆրանսիայի նախկին նախագահ Ֆրանսուա Օլանդը:
Հռոմի պապը Երևանի և Բաքվի միջև տևական համաձայնության հասնելու հույս է հայտնել
Հռոմի Ֆրանցիսկոս պապը Սուրբ Պետրոսի հրապարակում կիրակնօրյա քարոզի ժամանակ մտահոգություն է հայտնել Լեռնային Ղարաբաղի շուրջ ստեղծված իրավիճակի վերաբերյալ։
Ժոզեպ Բորելը Օդեսսայից մեկնել է Կիև
ԵՄ արտաքին քաղաքականության ծառայության ղեկավար Ժոզեպ Բորելը, ով շաբաթ օրն անցկացրել է Օդեսայում, ժամանել է Կիև։
Հայաստանը, Լեռնային Ղարաբաղը եւ ձախողված մի հակամարտություն
Հայերը իրենց բազմադարյա պատմության ընթացքում քաղաքական ու հասարակական բազում ցնցումների են ենթարկվել, բայց միշտ կարողացել են քաղաքական ցնցումներով աղետալի բոլոր ժամանակներում, որոնք ի դեպ քիչ էլ չեն եղել, վերագտնել իրենց ճանապարհը: Այս միջոցին Իրանը ևս իր բարեկամներին երբեք չի մոռանա, նաև նրանց, ովքեր թաքուն դավեր են նյութում Իրանի դեմ:
ԼՂ-ից բռնի տեղահանվել է ընդհանուր առմամբ 100 հազար 483 անձ
Լեռնային Ղարաբաղից բռնի տեղահանված 100 հազար 483 անձ արդեն հատել է Հակարիի կամուրջը, այն հատել է նաև 21 հազար 79 տրանսպորտային միջոց։
