Լոս Անջելեսում կհայտարարվեն «Գրեմմի» մրցանակի դափնեկիրները
Դերասան Թրեւոր Նոյը երրորդ անգամ անընդմեջ կվարի մրցանակաբաշխության արարողությունը։
Համերգը հոբելյանական է լինելու ոչ միայն այն պատճառով, որ տեղի է ունենում 65-րդ անգամ, կազմակերպիչները նախատեսում են նշել նաև հիփ-հոփ ժանրի հիմնադրման 50-ամյակը։ Համերգին մի ամբողջ հատված նվիրված կլինի այս իրադարձությանը։
2023 թվականի Գրեմմի մրցանակաբաշխության՝ երաժշտության աշխարհում ամենահեղինակավոր մրցանակի հավակնորդների թվում են Ադելը, Բեյոնսեն, ABBA-ն, Թեյլոր Սվիֆթը, Քենդրիկ Լամարը և շատ ուրիշներ։
Տարվա երգ անվանակարգում առաջադրված է 10 երգ՝ Bad Habit (Սթիվ Լեյսի), As it was (Harry Styles), Easy on me (Ադել), Break my soul (Beyoncé), abcdefu (GAYLE), About Damn Time (Lizzo), God did (DJ Khaled), The Heart Part 5 (Kendrick Lamar), Just Like That (Bonnie Raitt) և All Too Well (Taylor Swift):
Այս տարվա «Լավագույն նոր կատարող» անվանակարգի հավակնորդներն են՝ Անիտան, Օմար Ապոլոն, Դոմի և Ջեյ Դի Բեքը, Մունի Լոնգը, Սամարա Ջոյը, Լատտոն, Մանեսկինը, Թոբի Նվիգվեն, Մոլլի Թաթլը և Ուեթ Լեգը։
Գրեմմիները ամեն տարի շնորհվում են ավելի քան 80 անվանակարգերում՝ երաժշտության տարբեր ժանրերում և երաժշտական բիզնեսի ոլորտներում ձեռքբերումների համար: Հաղթողները ստանում են արձանիկ՝ ոսկեզօծ գրամոֆոնի տեսքով։ «Գրեմմի» մրցանակաբաշխությունն ուղիղ կհեռարձակվի նաև Հայաստանի հանրային հեռուստատեսությամբ։
Աղբյուր՝ armradio.am
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։