ՀԱՅԱԶԴ կայք
ՀԱՅԱԶԴ կայք
Առաքելությունս նույնն է՝ ծննդավայրում հայ երգը հնչեցնելը. Ստամբուլի մեծ համերգասրահում տեղի է ունեցել Սիբիլի մենահամերգը

Ստամբուլի ամենամեծ՝ «Ջեմալ Ռեշիտ Ռեյ» համերգասրահում տեղի է ունեցել պոլսահայ սիրված երգչուհի Սիբիլի՝ պոլսահայ համայնքում երկար սպասված մենահամերգը:

«Երկարատև դադարից հետո Պոլսում բեմ բարձրանալն ինձ համար շատ հուզիչ էր։ Այստեղ երգարվեստի ասպարեզ մտնելու առաջին օրվանից մինչև հիմա առաքելությունս նույնն է՝ ծննդավայրիս մեջ հայերեն երգերը հնչեցնել ու սիրելի դարձնել։ Այդ է պատճառը, որ հունվարի 18-ին տեղի ունեցած մենահամերգիս միմիայն հայերեն երգեր երգեցի»։
 
պոլսահայ երգչուհի Սիբիլ
 
Ստամբուլի ամենամեծ՝ «Ջեմալ Ռեշիտ Ռեյ» համերգասրահում տեղի է ունեցել պոլսահայ սիրված երգչուհի Սիբիլի՝ պոլսահայ համայնքում երկար սպասված մենահամերգը, որին իրենց մասնակցությունն են ունեցել Հայաստանից սիրված երգիչ Անդրե Սիմոնյանը, համշենցի երգչուհի Այշենուր Քոլիվարը, տաղանդավոր խմբավար, մաեստրո Սիբիլ Արսենյանի ղեկավարած սիմֆոնիկ նվագախումբը, «Առագաստ» նվագախումբը, վոկալիստ Մանե Մարա Մադենը, ինչպես նաև Ստամբուլի «Հրանտ Դինք» վարժարանի հայաստանցի աշակերտների երգչախումբը՝ խմբավար Հրանտ Չիզմեճյանի գլխավորությամբ։
 
Լեփ-լեցուն համերգասրահի բազմաթիվ հանդիսատեսների շարքերում են եղել Գ. Տ. Արամ Արք. Աթեշյանն ու Պատրարքական աթոռի այլ միաբաններ, Վերապատվելի Գրիգոր Աղաբալօղլուն, Սևծովյան տնտեսական համագործակցության կազմակերպությունում ՀՀ մշտական ներկայացուցիչ Սահակ Սարգսյանը, Մայր քաղաքապետության, Շիշլիի և Բեշիքթաշի քաղաքապետարանի ներկայացուցիչները, համայնքային գրեթե բոլոր հաստատությունների ղեկավարներն ու անդամները, արվեստասները և երգչուհու երկրպագուները։
Համերգի հովանավորներն են եղել Սբ. Փրկիչ Ազգային հիվանդանոցի հոգաբարձուների ու Քարագյոզյան տան խնամակալության խորհուրդները, ողջ հասույթն ուղղվել է համայնքային «Գալֆայան» և «Մերամեթճյան» հայկական վարժարաններին։
Նշենք, որ Սիբիլի երգացանկը հարուստ է եղել սիրված հայկական երգերով՝ «Ավետյաց երկիր», «Երկու տուն ունեմ», «Երնեկ թե այս Նոր տարին», «Մեր լեզուն», «Երգն իմ թևերն է», «Լույսի հատիկ», «Ավրորայի աղոթքը», «Բարի լույս» և այլն։ Համերգի բոլոր երգերը բուռն ծափերի են արժանացել, սակայն է՛լ ավելի հուզիչ է եղել հայաստանցի երեխաների ձայնակցությամբ հնչող «Գետաշեն» երգը, որը երգչուհու՝ երգի լեզվով Թուրքիայից հնչող զորակցության ձայնն է եղել Արցախի՝ շրջափակման մեջ գտնվող մեր հայրենակիցներին։
Երեկոյին առաջին անգամ հնչել են նաև Համո Սահյանի խոսքերի հիման վրա գրված Հրանտ Չիզմեճյանի «Բարի լույս» երգը, որի խոսքերն ու մեղեդին շատ տպավորիչ են:
 
 
Համերգի վերջում հիշատակվել է Թուրքիայում երկու՝ հայ և թուրք ժողովուրդների՝ անցյալի հետ առերեսման անհրաժեշտության և հաշտության համար պայքարի ճանապարհին սպանված հայազգի լրագրող Հրանտ Դինքը. երգչուհի Սիբիլն ու երաժիշտ ընկերները հանդիսատեսի հետ միասին երգել են Դինքի սիրած երգերից «Սարի աղջիկը» («Sarı SariGelın»)։
Համերգի ավարտին չընդհատվող ծափողջյունները նաև հասցեագրված են եղել հայաստանցի աշակերտներից կազմված՝ «Հրանտ Դինք» վարժարանի երգչախմբին, որոնք յուրօրինակ փայլ ու իմաստ են տվել երեկոյին։
Թուրքիայում «Հայկական ժամանակ»-ի թղթակցի հետ զրույցում երգչուհին անդրադարձել է Ստամբուլում գործող հայաստանցի աշակերտների «Հրանտ Դինք» վարժարանին:
«Երբ համերգ ունենալու գաղափարը կյանքի կոչվեց, փափագեցի, որ «Հրանտ Դինք» վարժարանի աշակերտներն էլ համերգիս մեջ տեղ գտնեն։ Մի կողմից վարժարանի երգի ուսուցիչը՝ խմբավար Հրանտ Չիզմեճյանը, մտերիմ ընկերս է, մյուս կողմից էլ՝ խորհեցի, որ հայրենիքից հեռու ապրող հայաստանցի երեխաները հիանալի առիթ կունենան Պոլսո հողի վրա հայերեն երգել ու երգի միջոցով իրենց ձայնը լսելի դարձնել ամենուր, ինչը յուրօրինակ իմաստ կունենա։
Փորձերի ընթացքում նրանց ասացի, որ այս համերգով իրենց ձայնը նաև պիտի Հայաստան հասցնեն, երգերի խոսքերի բովանդակությունը իրենք են լավագույնս զգալու և փոխանցելու։
 
Ճիշտ այդպես էլ եղավ. նրանք բոլորն էլ հոգով-սրտով երգեցին ու ամենալավ ձևով ինձ ընկերակցեցին։ Այդ առիթով իմ հատուկ շնորհակալությունն եմ հայտնում վարժարանի տնօրինությանն ու ուսուցիչներին, ովքեր համերգի առաջարկի առաջին օրվանից սկսած մեզ միացան ու մեզ հետ աշխատեցին»,- ասել է երգչուհին:
Տեղեկացնենք, որ օրեր առաջ երգչուհին իր ներկայությամբ պատվել է Ստամբուլում կազմակերպված «Հրանտ Դինք» վարժարանի ամենամյա «Սիրո սեղանին», որի ընթացքում սովորաբար համայնքային բարերարները և պոլսահայերը հանգանակություն են անում՝ ի նպաստ Թուրքիայում գործող հայկական վարժարանների գոյատևման։
 
Սիրված երգչուհին իր ներկայությամբ զորակցություն է հայտնել վարժարանին՝ հայաշունչ միջոցառմանը հայաստանցի աշակերտների հետ երգելով սիրված երգերն ու ևս մեկ անգամ ստեղծելով հիշարժան համերգի ուրախ մթնոլորտը՝ արժանանալով ծափերի տեղատարափի։
Հ.Գ. Սիբիլն իր՝ համերգի մասին պատմող գրքույկում հուզիչ գրառում է կատարել, որը պատմում է հայրենիքից կտրված՝ Թուրքիայի մեջ ապրող մի հայ ընտանիքի ու եկեղեցու դերի մասին, որոնց ցանած սերմերի պտուղներն ազգն է վայելում։
Պոլսահայ երգչուհու գրառումը մեջբերում ենք ստորև.
«Միշտ պիտի շնորհակալ լինեմ իմ պաշտելի ընտանիքին, որ ինձ մեծացրեց որպես մայրենիին սիրահար և սեփական մշակույթին անքակտելիորեն փարված զավակ։ Հատկապես երախտապարտ եմ հանգուցյալ հորս, որ մանուկ հասակից ձեռքս բռնեց և ինձ առաջնորդեց եկեղեցի՝ առիթ դառնալով, որպեսզի ծանոթանամ հայկական մեղեդիներին։ Այսօր թևաթափ եմ, որովհետև համերգասրահի մեջ իր գոռ ձայնով արտասանած «բրավոներով» բացակա է հայրս, թեև վստահ եմ, որ հանդերձյալ աշխարհից տեսնում և հպարտանում է ինձնով»։
Այսօր այդ «բրավոներ»-ը Սիբիլին մենք՝ համայն աշխարհի հայերս ենք ասում...
Լիլիթ Պողոսյան, Թուրքիա
 
Աղբյուր՝ armtimes.com


ՀԱՅԱԶԴ կայք Նմանատիպ Լուրեր
մուլտիպլիկացիոն-կարճամետրաժ-ֆիլմ,հայկական-կարճամետրաժ-մուլտֆիլմ,կարճամետրաժ-մուլտֆիլմ,օսկարի-հավակնորդ,օսկար,արմատ,արմատ-հայկական-կարճամետրաժ-մուլտֆիլմ,շվեյցարաբնակ-կինոռեժիսոր,էլոդի-դերմանժ ,  «Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
չինաստան,պեկին,խաչատրյանի-անվան-միջազգային-հոբելյանական-մրցույթ,արամ-խաչատրյան-մշակութային-հիմնադրամ,չինաստանի-ազգային-օպերային-թատրոն,չինաստանի-պետական-կառույցներ,հայաստանի-պետական-սիմֆոնիկ-նվագախումբ,սերգեյ-սմբատյան,արամ-խաչատրյան,արամ-խաչատրյանի-120-ամյա-հոբելյան , Պեկինում անցկացվում է Խաչատրյանի անվան միջազգային մրցույթ
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
հայաստան,կգմս-նախարարություն,սիսակ-գաբրիելյան,netflix,ֆիլմեր,ֆիլմ,սերիալներ,ֆիլմարտադրություն,թիլ-շվայգեր,underdog,dead-by-dawn,collapse,նեթֆլիքսի-8-մասանոց-ֆիլմ , Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
յունեսկօ,ոչ-նյութական-մշակութային-ժառանգության-ներկայացուցչ,գյումրի,դարբնություն,դարբին,արվեստ,արհեստ,պապոյան-գերդաստան,գարիկ-պապոյան,վարպետ-գարիկ,գյումրու-դարբնության-ավանդույթը,գյումրու-դարբնության-մշակույթ , Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակու­թային ժառանգության ներկայացուցչական ցանկում է
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակու­թային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։ 
յունեսկօ,unesco,տաթևի-և-մեծ-անապատ-վանական-համալիրներ,որոտան-գետի-կիրճը,հուշարձանախումբ,եռաչափ-լազերային-սկանավորում-և-թվայնացում,հհ-կգմս-նախարարություն,հհ-ագ-նախարարություն,յունեսկօ-ում-հհ-մշտական-ներկայացուցչություն,պոակ,պատմամշակութային-ժառանգության-գիտահետազոտական-կենտ,միջազգային-ֆինանսական-աջակցություն ,  ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
գյումրի,հհ-վաստակավոր-նկարիչ,մինաս-ավետիսյան,մինաս-ավետիսյանի-95-ամյակ,մինաս-ավետիսյանի-95-ամյակին-նվիրված-ցուցահանդես,մինաս-ավետիսյանի-գործերը,ցուցահանդես,գույներ-կերտող-նկարիչը-խորագրով-ցուցահանդես , 45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: