Փաշինյանը Digital Almaty Awards-ի շրջանակում մրցանակ է հանձնել «Daryn Online» նախագծի հեղինակին
Digital Almaty Awards միջազգային համաժողովի շրջանակում տեղի է ունեցել թվայնացման ոլորտում ակնառու նվաճումների համար ամենամյա ավանդական մրցանակի հանձնման արարողությունը:
Ինչպես տեղեկացնում է «Արմենպրես»-ը, պարգևատրումը տեղի է ունեցել ԵԱՏՄ անդամ երկրների կառավարությունների ղեկավարների լիագումար նիստի շրջանակում:
«Կրթական տեխնոլոգիա» անվանակարգում հաղթող է ճանաչվել «Daryn Online» նախագիծը։ Մրցանակը հաղթողին է հանձնել ՀՀ վարչապետ Նիկոլ Փաշինյանը:
«Բժշկական տեխնոլոգիա» անվանակարգում լավագույնը ճանաչվել է «Cerebra» նախագիծը։ Մրցանակը նախագծի հեղինակին է հանձնել Բելառուսի վարչապետ Ռոման Գոլովչենկոն։
«Ֆինանսական տեխնոլոգիա» անվանակարգում հաղթող է ճանաչվել «Solva» ընկերությունը։ Հաղթողներին պարգևատրել է նախարարների կաբինետի նախագահ, Ղրղզստանի նախագահի աշխատակազմի ղեկավար Ակիլբեկ Ժապարովը:
Տարվա լավագույն «Թվային տեխնոլոգիաների գլխավոր մասնագետ» անվանակարգը ստացել է Ղազախստանի աշխատանքի և բնակչության սոցիալական պաշտպանության փոխնախարար Երբոլ Օսպանովը։ Մրցանակը հանձնել է Ռուսաստանի վարչապետ Միխայիլ Միշուստինը։
«Վենչուրային կապիտալիստ» անվանակարգում հաղթող է ճանաչվել «Most Ventures» նախագծի համար Ալիմ Խամիտովը։ Իր մրցանակը նա ստացել է Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչի ձեռքից։
«Էլեկտրոնային առևտուր» անվանակարգում լավագույնն է Flip.kz-ն. հաղթողին պարգևատրել է Ուզբեկստանի վարչապետ Աբդուլլահ Արիպովը:
«Կինը տեխնոլոգիայում» անվանակարգում լավագույնը ճանաչվել է Ասեմ Նուրգալիեւան։ Հաղթողին պարգևատրել է Ղազախստանի վարչապետ Ալիխան Սմաիլովը։
Digital Almaty Awards մրցանակաբաշխությունը դարձել է ավանդական ամենամյա մրցանակ՝ Digital Almaty միջազգային թվային համաժողովի շրջանակներում։
«Արմենպրես» լրատվական գործակալությունը Digital Almaty-ի ինֆորմացիոն հովանավորն է։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
