ԱՄՆ-ը կապ չունի Իրանին հասցված հարվածների հետ. Պենտագոն
Պենտագոնի մամուլի քարտուղար Փատրիկ Ռայդերը հայտարարել է, որ ԱՄՆ-ը կապ չունի Իրանին հասցված հարվածների հետ:
Նրա խոսքով՝ ամերիկացի զինվորականները չեն մասնակցել իսլամական հանրապետությանը հասցված հարվածներին։
Գործակալությունը նշել է, որ Ռայդերը հրաժարվել է այլ մեկնաբանություններ անելուց։ Եվս մի քանի ամերիկացի պաշտոնյաներ, որոնց անունները չեն նշվում, Reuters-ին ասել են, որ Միացյալ Նահանգները կապ չունի Իրանի Իսպահան քաղաքի ռազմական գործարանի դեմ կատարված անօդաչուների գրոհի հետ։
Ինչպես տեղեկացրել է Al Arabya հեռուստաալիքը՝ հղում կատարելով ամերիկյան աղբյուրներին, Իսպահանի ռազմական գործարանի դեմ գրոհին կարող է մասնակցած լինել ԱՄՆ ՌՕՈւ-ն։
Հունվարի 28-ի երեկոյան Իսպահանում տեղի է ունեցել հզոր պայթյուն։ Իրանի պաշտպանության նախարարությունը հայտարարել է, որ դա անօդաչուների «անհաջող գրոհ» էր։ Իրանական ԶԼՄ-ները գրել են առնվազն հինգ նահանգներում պայթյունների մասին։ Al Arabiya հեռուստաալիքը, վկայակոչելով անունները չնշած «իսրայելական ԶԼՄ-ներին», տեղեկացրել է Իրանի դեմ Իսրայելի ռազմական գործողություն սկսելու մասին։
IRNA գործակալությունը, վկայակոչելով աղբյուրին, գրել է, որ գրոհը Իսպահանում պաշտպանական գերատեսչության օբյեկտի դեմ կատարվել է ժամանակակից եւ ոչ մեծ ռումբեր ունեցող երեք քվադրոկոպտերների օգտագործմամբ։
Իսպահանը Իրանի խոշոր քաղաքներից է, երրորդը բնակչության թվաքանակով։ Իրանի հնագույն մայրաքաղաքներից մեկն է, խոշոր արդյունաբերական եւ մշակութային կենտրոն։ Բացի այդ, Իսպահանում են գտնվում փորձնական միջուկային ռեակտորը եւ միջուկային վառելիքի արտադրության համար անհրաժեշտ ենթակառուցվածքը։
Աղբյուր՝ araratnews.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
